[AMAL]

المشاركة الأصلية كتبت بواسطة ماجد تاج

ـ




يا بروف : مااااااا بيشبهك والله ..

مافي مبرر واحد يخليك تجاري أمال والجيلي في مسألة عسوم دي ..

ديل عندهم ثأرات قديمة مع الرجل ما زالت جراحها تنضح زي ما شايف ..

وعسوم دا ما هو الا رجل عادي يحاول أن يكتب في أسافير الله الواسعة دي

في ركن قصي اسمه سودانيات " تواصل ومحبة " ..

لا هو قدم محاضرة ، ولا ادعى نبوة ، ولا افترض أنه معصوم ..

التدقيق المجاوز للانصاف والمتعنت دا ما بيشبهك ، ودا ما محله ..

بعد تجربتك الاصيلة مع هشام آدم !

وتعريف السرقة الادبية لا ينطبق على أي مما أوردته أعلاه ..

قصة الحملة على عسوم دي ما قصة سرقة أدبية ولا دياولو ..

دي قصة شلة متكالبة على المسكين بسبب خلافات الطرفين ما قادرين يتجاوزوها ..

وح تورد المنتدى دا موارد الهلاك !

لا اكثر .

هم عجزو عن صيد الرجل الا من مساكة السرقة الواهية دي ..

وانت أقدر على ما هو أبدع من ذلك




ـ

المشاركة الأصلية كتبت بواسطة ماجد تاج

ـ



انتو بتتضارو واللا أنا واقف قدام شديد !!

يعني هسي ما في أي مشكلة قديمة بين عادل عسوم والجيلي وأمال ؟!!

والبيناتم دا كله تواصل ومحبة صرفة !!




ـ

المشاركة الأصلية كتبت بواسطة ماجد تاج

ـ



ازيك يا كبيرنا ..

ياخي لا ظاهرة ولا خفية .. كل القصة أنو ملاحقة الزول دا من قبلكم بقت مسيخة ومكررة وفيها ترصد مبالغة ..

ما ممكن يكتب أي كلمة تطلعو ليه فيها القرون الحمر كأنما تصحيح الكون يعتمد على بيان أخطاء الرجل ..

ما عادل عسوم الا رجل عاااااادي يكتب ويغلط طالما كتابته في حتته

ومحاولة شيطنته بكل السبل وبالضغط المتواصل دا ما عندها مبرر

غير العداءات القديمة المتناقلة معاكم كلكم من بوست لي بوست ..

عادل عسوم دا أنا تحديداً قلّ ما أتداخل معاه وعندي رأي قطعاً في كثير مما يكتبه

لكن ما أعنيه ترصدكم للرجل حتى صار الترصد نفسه سمة لمداخلاتكم معاه ..

امال والجيلي تحديداً ما فرطو في بوست واحد لعادل عسوم

ولا ضيعوا فرصة للسخرية منه والنيل منه والاساءة ليه والبوستات على قفا من يشيل

والبيكضبني يفتح أي بوست لعادل عسوم ويشوف مداخلاتهم فيه ..

خلو الراجل يكتب وانتقدوه بالكيفية البتناسبكم لكن كمان حكاية الترصد المستمر

وقصة محاكمته بالمقاييس العالية الدقة دي في شأن لا يستحق دي ما جاية ..

دا المقصد



ـ

المشاركة الأصلية كتبت بواسطة ماجد تاج

ـ


دا رأيي أنا يا سيد أمين .. وما زلت عليه !

ما عدا الحتة بتاعت الشيوعيين دي فللحق أنا في الفترة الاخيرة أعدت تعريفي لمجموعة لوبي أمال

وغيرت وصفها من الشيوعيين الى وصف آخر ..

قلت أنها ما سرقات لأنو الرجل ماخدينه بمقاييس لا تتناسب على الاطلاق مع ما يكتبه بكل ما فيه ..

كتابات عادل عسوم زيها زي أي كتابة اسفيرية هنا ، لكن رُفِعت ليها المعايير بالشكل المجحف دا

فقط لتغطية السبب الحقيقي لمداقرته وملاواته ..

وهو الخلافات القديمة بكل ما فيها من قبح ..

ما نقوله هنا يا سيد أمين لم يكن أبداً دفاعاً عن عادل عسوم

وكان جيت للحق أنا أبداً ما مدحت كتاباته ، ولا حتى قريت أكتر من سطرين تلاتة في أغلب ما يكتب ..

اللهم الا مواضيع الخلافات المعتادة ..

وفي بقية ما يكتبه أراه متكلف في لغته بشدة لذلك لا أجد في نفسي دافع لقراءتها ..

ميله لاستخدام أسلوب كتابة متقعر يقف حاجز بيني وبين ما يرد فيها ..

لذلك لم أعترض على مهاجمته من بوابة السرقة الادبية الا لأني أرى أنها تستخدم كساتر لتغطية فعل غير حميد

وقد ( قد ) يؤثر على نهج الكتابة في سودانيات ..

وفرقت بين نهضتك للتصدي لهشام آدم وثمنتها لأني أرى أنها كانت في موضعها الصحيح ..

فهشام آدم طرح نفسه في الاسفير وفي الواقع ككاتب وأديب ومؤلف وصاحب نهج الحادي مجاهر ..

دا التصدي ليه فرض عين ..

اما تطبيق نفس المبدأ مع عادل عسوم وما هو الا كاتب منحصر في كم موضع اسفيري لأسباب خاصة

ومحاولة خمّنا كمتابعين بإقناعنا بأن تطبيق نفس المبدأ لأن ما ينقله هو سرقات اسفيرية ..

فللحق دا هو أبو الاستغفال والاستحمار وأمه كمان ..

ما قلناه أن امال والجيلي تحجرا في خلافهما مع عسوم في حقبة زمنية ماضية ما زالا يتمترسان فيها

وينقلا منها قبائح ما عاد لها معنى ولا تفيد بل تؤثر سلباً ..

وما قلناه أن هذا النهج سيئ مع أنهم حاولوا تبريره بشتى السبل ..

كوزنة عادل ..

سقوط عادل ..

سرقات عادل ..

وما الى ذلك .. الهدف واضح وهو اغتيال عادل عسوم اسفيرياً تصفية لخلاف قديم ..

مع أن كتاباته ( والقارئ لا يحتاج الى وصاية وهو حصيف يا سيد امين )

قد تناول مصداقيتها بمنتهى الرقي د.زين والاستاذ حسين بالاسئلة التي لا يجد لها عسوم إجابات أو إجاباته عليها غير مقنعة ..

المؤدى الطبيعي كان أن القارئ استناداً على السؤال والاجابة أو الهروب من الاجابة قد كوّن رأيه فيما كتبه عادل عسوم ..

يبقى السخرية والكلام الما عنده معنى اللاحق دا كله ما في داعي ليه

وما حيفضي الا الى مزيد من الشحن والتباغض ..

دا كلامي كان .. وما زال على ما هو عليه



ـ

عزيزي القارئ
اوجد مداخلة واحدة لماجد تاج
بدون ذكر آمال والجيلي
وخذ جائزة قيمة
انت حساب القيامة البتذكر بيه الناس انت ماشايلو ولا ما معدود
ولما يشتكوك لي الله تقول دا كلام عاطفي والنت مامكانو
خليت للعلمانيين شنو
لسة متحدياك
تجيب الخلاف الشخصي البينا وبين عادل عسوم
والمخليك تغفر ليه زلاتو كلها وتتشعبط في رقبة آمال والجيلي
ارحم نفسك
بقينا عارفينك بتين بتجي متلب متين