[ناصر يوسف]

المشاركة الأصلية كتبت بواسطة ماجد تاج

ـ

انتهى ..

وأنا ما عندي رغبة في التداخل تاني ..

وما اظن أعقب على مداخلة هنا

لكن كما سبق وذكرت باسووردي موجود ..

وبمر على صفحة المنتدى كلما سنحت فرصة ..

لا هارب ، ولا مختفي ، ولا مجهول العنوان ..

من يطلبني يجدني بإذن الله

ومحل يستدعي الرد برد بإذن الله



ـ

يا ماجد تاج ،،

كيفنك اخوي ونعلك طيب ياخ



ياخي ما ترد علي كلو كلو واحترم رغبتك شديد والله

لكن أهو كلما سنحت ليك الفرصة أدخل وأقرأ كلامي ده

وياخي ما تحملني وزر انا ما سويتو ياخ وما تحمل الأشياء أكتر من حجمها

شايفك قلت

(اما بالنسبة للعبارة التي كرر الاخ ناصر حملها هنا وهناك لفهم معناها ..

فلا أدري ما الغامض فيها )

وهل تكرارها كان بمثابة ترصُد ليك في شخصك الكريم يا ماجد ؟؟

المسألة وبرُمتها وده فهمي أنا ( ما حأتكلم عن فهم الآخرين) و إن كان الكثيرين فهم ياهو زي فهمي لبعض ما جاء بيه ماجد تاج

الفهمتو أنا وقلتو ليك بالدرب العدييييل

يا ماجد تاج زي العندك مشكلة مع المرأة ،، وبرضو إنتَ إستهجنت الفهم الوصلني من خلال كتابتك ،،،

طيب يا ماجد ،،

عاوزك وبكل صراحة تسأل نفسك بعض الأسئلة

ليه دايماً يكتب ماجد تاج ،،، والبعض يفهم من زاوية ويجي ماجد تاج يقول ،، لا لأ يا شباب إنتو ما فهمتوني لأنكم إستعجلتو وما خليتوني أتم قولي للنهاية ؟؟؟

وليه دايماً ما تحدث هذه الشروخات الحوارية في بعض بوستات ماجد تاج وكأنو فعلاً في حرب بارده ما بينو هو وما بين البعض ؟؟ ( والبعض دي أنا منهم بالطبع يا ماجد)

آي نعم كان من الممكن ننتظر لغاية ما نشوف آخر قولك شنو ،،، لكن يا ماجد يا أخوي في البوست بتاع اليساريات ده ،،،، المسألة كانت عصية علي الإنتظار حقيقي والله

انا ما عاوز أرجع وآخد لي بعض مما جاء في البوست بتاعك أو حتي في البوست بتاع أختك جيجي ،،، عارف ليه يا ماجد ؟؟

بــس عشان ما تكرر لي المقولة دي تاني ،،

(اما بالنسبة للعبارة التي كرر الاخ ناصر حملها هنا وهناك لفهم معناها ..

فلا أدري ما الغامض فيها ) ودي عبارتك إنتَ

الشئ الوضح لي هنا بإنو المشكلة أصلاً ما بينك وبين المرأة ( يسارية ولا غيرو) ،،،

المشكلة أصلاً بينك وما بين الحزب الشيوعي السوداني ــ من خلال حديثك هنا وسردك لتاريخك معاهم ،،،
عموماً يا ماجد ،، ما جاء في ذاك البوست بتاع اليساريات ،،، العقل ما قدِر يقبلو كلو كلو ياخ


ربنا وحده العالم ببواطن الأشياء وربنا نسأله ليك ولينا ولكل أعضاء سودانيات السُتره والعفو والعافيه يا اخوي