اقتباس:
المشاركة الأصلية كتبت بواسطة Hassan Farah
-----------------------------------------------------------
الاخ خالد الصائغ...مش عارفك قاعد وين....على اية حال ينعم صباحك خير يسعد مساءك نور....تشتتنا يا اخى....
لكن رغما عن ذلك فنحن اهل...
ابن عمى شوقى بدرى حبوبته دنقلاوية ووالده رباطابى....
انا ذات نفسى جدى رباطابى وحبوبتى عبادية من اسوان وبالطبع تكون مخلطة هناك.....
ولدنا زول الله دا هسع دية زوجته دنقلاوية اومحسية الله اعلم...شفتوا كيف....وبالمناسبة بنت اخوى سامية زوجها المسيرى الفاضل ابو عبيدة...اها شنو....
وود عمتى مدينة الرباطابية والده من ساكسون دارفور...تانى عندكم كلام....
|
ربي ينعم كل أيامك و لحظاتك بكل خير و عافية يا أستاذ
أنا قاعد في السعودية.
تظل القناعة راسخة بي إنو السودان ده كلو أولاد حوش كبير, نفاجاتو مفتوحة علي بعض, و الفروقات الشايفنها بعض الناس, دي متوهمة, و سببا تبني بعض الناس لما يسميه الزول الجميل خالد عويس بالذهنية السنارية, الذهنية السنارية البتحاول تقسمنا لي عرب و عجم, عشان تقنع روحا بالتفوق و التمايز عن الآخر.