[بابكر مخير]

من مطلق العم شوقي
اقول ابن الخال شوقي
هل إختلط عليك أمر التاريخ أم تداخلت السلوك وسخنت الراس، وان كان بعجبني في كتابتك السرحة والخروج من الكراس
في احداث كدا الواحد بيقول: التقول كنت حاضرها، وانا متاكد ما حاضرها لكن كمان ما ما بتذكر لينا المصدر، مثلا يعني (في سنة 1984 قال الصادق في الجزيره ابا و في سرادق واقفا على كرسي قائلا( كتشنر قال المهديه ماتت انا حفرتليها ودفنتها) وواصل الصادق ( المهديه ماراح تموت). فمن مصلحة الصادق ان لا تموت المهديه. و لكن لماذا نتشنج لدفاع عنها؟ هل لاننا كما يقال عن السوداننين انهم عبيد خنوعيين يحبون من يهينهم ويركب على اعناقهم؟ و لماذا وصلنا لما نحن فيه؟ اليس بسب هذه الاستكانه والخنوع و الذل؟ ولذا يحكمنا البشير و المشير و العوير و البحاحي الطير)
اوافقك ان البشير والوزير والمشير يحكمونا، لاننا وصلنا لما نحن فيه من استكانة وخنوع الي اخر الموال،، وما شايف الصادق المهدي دخلو في الاحنا فيهو شنو؟؟؟ ما اهو انتا الحار دا، كل العملتو لحدي حسي انو حلقت الصلعة وحلفتا ما تربي الشعر الا لمن البشير يغور،،،، ذي زمان لمن حلفتا انك حتجرب الماجربتو في حياتك لو النميري غار،،، اهااااا الصادق المهدي حفظه الله كان في راس الانتفاضة بي ذاتو وبي جماهيرو واداك الفرصة ان جربت الماجربتو،،،،، اظن حسي الصلعة زهجتك وعاوز تربي الشعر وعاوز (سيدي الصادق ذي ما قال ليك بابكر الاول هو وانا التاني) يقلب الجماعة ديل وتوفي بوعدك
الحبيب شوقي ربنا يهدي الجميع وانا منهم وياريت تركب معانا المركب وياريت تكون النوخذة
انا بالمناسبة الايام دي في سودان المصايب، محتار وراسي الاصلا شايب،،،، جايط من كترت العجايب
وتقول ليا الصادق
يا شوقي لو تذكر بيقولو السودان دا بلد الرجال
لك حبي ومشتاقين