[رأفت ميلاد]

المشاركة الأصلية كتبت بواسطة شوقي بدري

يا رأفت الكوز كوز بس انت فراسة بي تعريفة ماعندك . قالو ..... شيخ العرب جاتو بواسير شديدة . المفتش الانجليزي نصحه بالذهاب الي الخرطوم للعلاج واعطاة جواب لصاحبه الدكتور . لمن شيخ العرب رجع شديد ومتعافي .وجلس مبسوط ومرتاح وسط العمد والشيوخ والعواد . اتي المفتش وساله بصوت عالي وبعفوية . ,, شبخ اراب ..... بتاعك كيف ؟؟ ,, فقال شيخ العرب ,, ....... بتاعي كويس . بس انتا يا خواجة ما عندك لفظ ,,
ياخي الكوز دة لو لبس طاقية الاخفاء مفروض تشمو ، يا من لفيت السودان وكتحتا التابا وانت طرير الشباب .

أبداً يا شوقى والله أجيبو ليك فى بطن البيت ما تشمو .. زول عادى ود بلد ضحكتو مجلجلة ولا بعمل الحبتين ديك قدام النسوان ولا برسم نفسو وما مضيقا .. غايتو هسة كان عندو غرة الصلاة إلا يكون سواها فى سوق الناقة .. والله ما شفتو بصلى ولا حتى يوم الجمعة الما بفوتوها السودانيين مهما كنت حياتم صاخبة .. غايتو ما أتغشيت فى زول قدر ما أتغشيت فى الزول ده .. لامن حكيت للحجة ضحكت قايلانى بهظر