[احمد زين]

المشاركة الأصلية كتبت بواسطة زول الله

اوووو صاحب المطلع الخطييير الدكتور احمدزين حبابك ونورت كل الحتات والله
يازول اتنفخ سااااي واخلفلهم كراعك وولع سجارتك كمان
شايف واحد صاحبنا في الفيس شبه كلامك ب ودالرضي
بعد دا اطلب عربونك او












اقول قولي هذا واستغفرالله لي.......................

صدق زول الفيس بوك يا ود الشيخ وده زول قراي ولماح
هي اصلا مربعين جاريت بيهم شيخي محمد ود الرضي وكلامي نازل في الراكوبة ياهو ده

لقيت مربع لود الرضي عجبني وهناك بعض الناس نسبوه للمحلق
المربع ده بيقول
اكتب يافقير ما تقول مريضك طاب
من الجات زحت ستارة الباب
انا ما بطيب ان بلعت كـــــــــــــتاب
ارفع يا فقير قلمك مليتو تراب .
لكن. انا شايف الرواية دي ركيكة لا بتشبه المحلق ولا ود الرضي
والصحيح
أكتب يا فقير ما تقول مريضك طاب
ما شُفت القبيل جابْتَ السَّلام بالباب؟
رقَّت من وَسِط وغِلدت مع القُرقاب
فِكرك انشغل، قـلمك مَليتو تـراب!!

اها نحن مالنا ومال المحلق وود الرضي ذاتو
نقول قولنا برانا واهل النم لا يفوتو لا يموتو

اكتب يا فقير كان الكتبتو بداوي
وامحا محايتك اسقيني التزيدني بلاوي
ام ديساً مع حدود الكفل متساوي
سبب امراضي والجن الفقيرو يلاوي

بخرات الشيوخ ما بتشفي من علاتي
وتعبان الطبيب سهران علي انجلاتي
من الصدرو مدفع هيروشيما العاتي
صِبِحْ مرضان وفاقد عقلي ناسي صلاتي

زولك نجيض تب