[زول الله]

المشاركة الأصلية كتبت بواسطة قرقاش

الحبيب زول نعم اولادنا
وفلذات اكبادنا ...لكين محرشين وملوهم الحاقددين ...ملوهم فل غبن وحرقه..
شفنا صورهم فى التلفزيون
وحات الله يازول ديل يدخلوا اى بلد ..وكل واحد فيهم معلق كلاش فى جنبته مايخلو في البلد نفاخ النار ومايخلوا ولا روح حايمه ولا حتى النمل ..
ياخى مافعله جيشنا شئ عظيم
فعلا هو واجبه انه يحمينا حتى من انفسنا
جرت مثل هذه الامور اكثر من مره ..وفى كل مره كان يتم .. تجنيدهم فى القوات المسلحه ...فهم غلابه لاقضيه لهم ...
صدقنى بعضهم يقول لبعضهم وهم فى صفوف التمرد انا حاجز البيت الفلانى ..
ربما يكون البيت الفلانى يهمك امره يازول ...
عاشت قواتنا المسلحه ...

المشاركة الأصلية كتبت بواسطة النور يوسف محمد

معقول يا قرقاش ،
ياخى دى تبسيط مدهش لإشكالية النزاعات السودانية ،

طيب ،،،

الوفود والمحادثات وقطر وأديس والكم من (الأبوجات )
ونيفاشا عليها من الله ما تستحق ، كل الهيلامنة دى طق حنك ساهى ،،

ستظل القراءات المبتسرة لمشاكل السودان من أقوى أسباب تفاقمها ،،

تحياتى وإحترامى

المشاركة الأصلية كتبت بواسطة سر الختم إبراهيم نقد

اللهم ارحم شهداء القوات المسلحة
اللهم شافي جريحهم و تقبل شهيدهم.
وانصر هم نصرا عزيزا .

الكلام الفوق دا كلو ماقلنا فيهو حاجة
وبغض النظر عن ديل متمردين او جيش حكومي او مليشيات كيزانية

لما تكون البلد فيها كارثة وموت زي دا والناس عارفاه وتتجاهل اخباره
وبنفس القدر يجي ود الخير -نموذجاً- أو ودميلاد -نموذجاً- ويهتم بكارثة تانية خارج الإطار
هل دا طبيعي؟؟؟

وللا بس لمن المعارضة تكسب ليها جولة من جولاتها الهزيلة ويموت واحد مصنف ضد الكيزان الدنيا تقوم وماتقعد؟؟؟؟

حكمتو بالغة ياخ










اقول قولي هذا واستغفرالله لي......................