[رأفت ميلاد]

أعتذر على التأخير إثر وعكة أمهلتنى قليلاً

المشاركة الأصلية كتبت بواسطة Abdullahi Gaafar

العزيز رأفت

فعلا الفكرة ممتازة
نحنا ناس بيئة وموارد طبيعية وان شا الله علي الاقل ممكن نحكي عن تجربتنا في العشرين سنة ماضية

تحياتي وتقديري

عبد الله جعفر

سلامات يا عبد الله جعفر
ده جزء من الفكرة كبير وخاصة فى مثل هذا التخصص الذى لا يجد الإهتمام الجاد من الدولة ومن عامة الناس .. أتخيل هذا المجال لجنود مجهوليين بمجهودات أقرب الى الفردية وبإمكانيات تكاد تكون معدومة .. أتخيل المعاناة فيها لمن يؤمن تماماً بضخامة مهمته التى تقع على عاتقه .. هنا فى أوربا أصحاب هذا التخصص لهم وزن إقتصادى وإجتماعى وضغط سياسى لتوجه الحكومات فى حماية البيئة من غول الرأسمالية الذى يهدد البيئة بالتوجهات الإستثمارية

يا ريت تتغلغل لينا فى هذا التخصص وخباياه وتجربتك الشخصية ..

المشاركة الأصلية كتبت بواسطة طارق صديق كانديك

صباحك خير يا خواجة

الله يفك ساجورنا وأجيك. ياخي الوقت ممحوق، نباصر فيهو مباصرة.

كثيرون هم الذين عبروا في ذهني.

تحياتي لك ولهم حتى نرجع

كانديك يا ولدنا سلامات
تخصصكم من كفاح وطرائف ومفارقات أكيد يملأ مجلدات .. التجربة الشخصية والعلاقات الإنسانية بين أهل القانون مربكة ولطيفة ما تنسانا مع المفارقات التى تحدث من المواطنيين (مدمنى) المحاكمات لله فى لله

المشاركة الأصلية كتبت بواسطة عايد عبد الحفيظ

أستاذنا الجميل رأفت
أسعد الله يومك
في المنتدى . . اعرف طلال وهشام ومجدى . . المشكلة
إننا تعارفنا في الحياة أكثر من المستشفيات والمراكز
الصحية وغيرها من المؤسسات الصحية والطبية .
نبدأ كما قلت بفئة أخرى حتى تفتح وتسلك لنا الطريق
لك الود

سلامات يا عابد
دى برضو منطقة لطيفة وهى علاقات الأطباء الإنسانية بعيداً عن دوامة العمل المرهقة .. علاقات الميزات واللطف فى العلاقات الذى يُضرب به المثل فى لون الشاى الأخمر .. هناك مضايقات من الناس تحول من ممارسة الحياة الطبيعية برضو ما تنسونا منها .. عندنا صديق طبيب إذا أشتكى ليهو زول من حاجة فى مجال عام ردو سريع جداً بيقول ليهو (ياخ دى حاجة خطيرة جداُ لازم تمشى للدكتور فوراُ)

المشاركة الأصلية كتبت بواسطة النور يوسف محمد

بسم الله الرحمن الرحيم

بالجد ،
نافذة مريحة وممرات نحو الماضى ،
حيث الحكى الطاعم والونسة المرتبة ،
بالنسبة لناس البوليس سبقتك الزولة اللماحة الخلاقة سمراء ،
فى بوستها الجميل ( إستراحة مع الكاكى بسودانيات ) ، لكن لا بأس ،
http://www.sudanyat.org/vb/showthread.php?t=21982

أبدأ بالدكاترة ونحن خلينا فى النهاية ،

كل الود

خبيبنا النور سلامات
أنا غايتو أدفع نص مليون عشان ألاقى أخبار سمراء دى .. تلفونا ضاع منى فياريت ناس ناصر ومحمد زين يساعدونى
حقو نخلى قصة البداية والنهاية ونخليها مفتوحة .. غايتو البوليس ده فيهو خبايا عجيبة فيا ريت نبدأ بالميزات

على ذكر الميزات كان ضباط سلاح النقل عندهم ميز جيهات كبرى شمبات .. صاحب الميز عميد بدون أسماء كان رئيس نادى المريخ داير يفضى الميز لإستغلاله فى حاجة تانية .. نظم مع صديق ليهو فى البوليس يعمل (كشة) على الميز ويوم الخميس .. الضابط بتاع البوليس المسئول من الكشة (رائد) كان زول عاقل جداُ مشى الميز قبال الكشة بساعة وأخطرم بكل زوق أنو ماش يكشهم بعد ساعة

المشاركة الأصلية كتبت بواسطة يحي عثمان عيسي

حبيبنا رأفت
اتكاءة مريحة كعهدنا بكم
الاعلاميون ـ الصحافه ـ الاذاعة ـ التلفزيون ـ ......
خلينا نشوف مين

سلامات يا يحيى
الإعلام ده مجتمع بحالو .. رغم لمعانو الشديد فى المجتمع برضو مُجحف فى حقو شديد وفيهو أسرار محزنة وطريفة ومجهودات فردية جبارة ونكران ذات ولا يخلو من دسائس وخباثة من المدسوسين والملمعين بدون موهبة

ننتظر منهم

المشاركة الأصلية كتبت بواسطة الطيب عثمان

*** ميلاد يا جميل سلامات أعتقد ان المذيع صاحب البرنامج هو الدكتور الشاعر المعز بخيت تقريبا .

بعدين أنا ناس البوليس ديل اديتم ورقتم زماااان ما تحسبني معاهم انا مع ناس الاستراتيجية حاليا فـ لو في زول استراتيجية يقول عوك

سلامات يا جنابو الطيب
ود أب سن فاتو البنطون لامن ظهر فى القيفة البنطون رجع ليهو قام أفندى أخدرانى كده قعد ينقنق الرحلة كلها (حرروكم من العمودية وأنتو ما دايريين تتحررو) وكلام من الشاكلة دى .. ود أب سن ساكت يعاين ليهو .. لامن البنطون وصل ناداهو بهدوء وقال ليهو (يا ولدى العمودية دى تب كرهناها بس تقول شنو لصقت فينا زى قولت يا عب أصلو ما بتطلع من الزول)
أها خليك معانا

المشاركة الأصلية كتبت بواسطة عثمان

الخال العزيز رأفت السلام عليكم
إن شاء الله تكون بخير وعافية وأسرتك الكريمة
يا خال أرسلت ليك أكتر من رسالة على الفيس
وصندوقك تبع سودانيات ، ولا هببتو لي إن شاء الله عافية

التحية/ عثمان الطيب

عثمان حبيبى
وصلتنى رسالتك فى المنتدى وواحدة تانية من حبيبنا آخر الموانى .. راجع ليكم بمزاج بعد الوعكة الأمهلتنى دى هو أنا لاقيكم وين .. بجيك فى الفيس البوك الما قادر أتوائم معاهو ده .. ياخ خليك معانا هنا زى زمان تفرح أيامنا

فى فينيسيا بتوعين الطبالى ببيعوا فنايل (تى شرتات) مكتوب فيها