[imported_amine]

المشاركة الأصلية كتبت بواسطة mime

أمين يا حبيب

يار بي انتا وين ؟؟؟؟

والله غايتو انتا ؟؟

تغيب سنة وتجي تشدها لينا كده ؟؟؟

أنا ما عارف يا حبيب ، لكين صاحبك ده رأيو ده ما وقع لي

أخوك واحد من الناس ، بريد ناس المنتدى كلهم ، بدون فرز ، بس ما معني كده بتداخل في كل الحاجات

يعني في مواضيع كتيرة الواحد بقرأها وبتعجبو ، بس بحس بانها ما بتحتاج منه مداخلة ، كدي أتخيل انا ارد

بي واحدة من مداخلاتي الشتراء دي في موضوع جاد ومسخن !!! شكلي بكون اهبل ، وبكون استخفيت بالموضوع

وسيدو وإحتمال أغير منحى البوست عديل ، عشان كده افضل لي انو استفيد من الفكرة المطروحة واتثقف ، من ما

أخش واقول جميل ورائع ساي كده بدون ما يكون عندي فكرة المشاركة في الموضوع برأي مهم .

الحاجة الاهم ، ما أظن في شلليات ابدا ابدا ،،،،، والدليل آلولو (اكتر بوستات ما برد عليها بتاعة اصحابي )

مناسبة صغيرونة :

أمين السجم ، مشتاقين شديد

يا سلام عليك يا مايم أخوي و قبال ما أحلف ليك بقول ليك و الله مشتاقين عديل كدي ...
ياخوي وحات مهدي الله أبو زينب أني زيك كدي ...يعني بقرأ بس ...و لكين مرات كدي و بعيد عنك
بتمسكني القشعريرة بتاعت عادل أمام ...و لما مشيت للديك و تور ...قال لي ما تاكل لا سمك ولا بيض ...
كيفن يعني و أني طول عمري القصير ده عشت في النيل الأبيض و ناكل في البلطي و الفرش و نخلي الصير لناس جبل أوليا و بعدهم ناس الخرتوم المفلقصين ديل ...
بس وحات الضواها أبو اللمين أني سودانيات دي بيتي الأولاني و الآخراني ...لعنو كل الناس الحلوين ديل أحبابي وحات البزوروهو الحفايا و العرايا ....بس أوعى يا حسن تقول لي الشيخ الكارب ده هو حوض السباحة ...
بس ياخوي أني كتبت العلوان دي علشان عندي صاحبي الجايي وراي بعد شهرين للسودان ...في ناس بضربوا ليهو طناش ... زويلآ متعلم من زمان و كتاب كمان ,....وحات مهدي الله أبو زينب حتى العشرة شهور القضاها في بيوت الأشباح كتب عنها ...علشان كدي سودانيات دي دايرة ليها خضة علشان نسمع الرأي الآخر ....أنا غايتو ما عندي أيي شلة ...بهترش بجاي و جاي .... وكان زهجت و عايز أضحك بدخل في بوست الجيلي بتاع أبجقادو علشان هني شلة ظريفة وحات الضواها أبو اللمين ...وكمان بعرج علي خالتي المجدلية و برتب ليها علشان تديني جلدتين بسوط العنج الممسح بالقطران داك ...
وعلا نكورك لدفعتي معتصم ود الطاهر علشان الحيطة عايزة ليها ملوسة للخروم ...بس الحمد لله منى التقل لحقتو لهناك في الخليج و بقت ظااابط شرطة في دبي ....بس يا مايم بيني و بينك منى النقل ظهر لي ود عمها ....تعرف قلت ليهو شنو ؟؟؟ قلت ياخوي وحات مستورة بت مرسال حبوبة ود عثمان السرق القريشات من تحت عنقريبها ...قلت ليهو يا زول أنا مش أمين ...!!!! أنا أمير توم أمين ....أها قام فكاني ....
وحات الشيخ الماحي أبو شرا سودانيات حلوة ....بس مشكلتها كلهم معارضون ....ما فيها جبهجية ...علشان نجيب ليهم اللمام الهادي لعنو الصادق طلع مضروب .....هههههههههههههه
يا ربي أنا وين ؟؟؟
تحياتي يا حلوين ...
أمين