[طـاهر بـدر]

[align=justify]الاخ ود الشيخ :
سلام عارم
ردة فعلك فعلا تنم عن اباء وشموخ وغضب ويحق لك ان تفعل بس موضوع ادارة الخد الاخر دى لسع ما وصلناها ولو كان فى بعض الامثال اسوأ من كدا بس الغالبية ما زالت تحمل فى فى جنباتها الدود النتر ودابى الكر وتمساح الدميرة وكرم سيل الضهارى وكل صفات الرجال والقيم الفاضلة والتى بدونها نصبح صفر على الشمال ...
على ذكر ذلك احكى لك حادثة ... صديقى محامى جعلى يعمل بالرياض مديرو فلسطينى ...شهدت هرشة من المدير للمحامى الجعلى وبعد ما مشى ...قلت ليهو ياخى انا يا الما عندى علاقة بالجعليين حنبكت وكنت داير الفها معاهو رغم انو ما عندى دخل فقال لى (اقول ليك حاجة ...عارف جعلى صحححح البلد دى ما بجيها ولا بقربا... يا الطاهر اخوى انا بلدى هرشتنى لما خلتنى انا المحامى خريج الخرطوم ابقى استاذ انقليزى وادفر الماهية بشوية مذكرات) تذكرت يا ود الشيخ لزمة المصريين "أيه الرماك فى المر .... قال الأمر منو".
شكرا لزيارتك وتعليقك[/align]