الذكريات صادقة وجميلة مهما تجافينا بنقول حليلة
حبيبنا ود ميلاد سلامات يا صاحبى
تسلم لمرورك ونحن نقلب بعض دفاتر الذكريات عن الشرق الساحر ,
وعن عروس البحر الأحمر وأهلها الطيبين وتسلم لإضافتك المميزة لهذا
البوست بهذا الزخم الأنيق الذى كتبته عن عروس البحر الأحمر ,
فهى مدينة ذات خصوصية فريدة وسكانها مميزون فى كل شئ ...
يازول البوست بوستك أكتب لينا فيهو عن ذكرياتك فى تلك المدينة ..
فودة طبعا تعرفت عليهو فى ام درمان فشقيقه الأكبر كان ساكن فى حلتنا ,
خالد القوصى كان عنده مطعم فى نادى التنس وهو من أسرة القوصى ,
إتخرج قدامنا فى الجامعة ومعه أبراهيم صهيب ..
والجميل فى بورتسودان إنه الناس بتتعارف كلها زى ناس أم درمان كده ..
الرحلة الأولى كانت فى 1991 , والأخيرة كانت فى 1995 كنا نازلين فى
سلالاب عند خال صديقى ( عبدالعزيز ) بيعمل فى إدارة الحجر الزراعى
وزوجته ضابط جمارك ... وكانت رحلة جميلة لا تقل روعة عن الأولى ..
خالص مودتى وتقديرى لك ..
|