[imported_Garcia]

المشاركة الأصلية كتبت بواسطة bayan

مشيت بورتسودان سنة 1982 في رحلة معهد الموسيقى
وقعدنا في بيت الشباب دا ذاتو
شوفتا لو قمتا للصبح بتشوف المد وصل الموية لغاية نص الحوش...
مدينة صديقتي الحبيبة المرحومة نعمات هارون...
الى الان لم ار اجمل من اركويت والشبورة في حياتي...
والجبال والصدى...
بس بعدها اتجبرت اقص شعري قريب لنمرة واحد لانه اتحتى مبالغة من موية الملح

والله تلك المدينة تركت اثر عظيم في حياتي...

انا حامدد اقامتي هنا احكي ليكم هن تلك الرحلة الباهرة...
اسمع هنا يا ولد يا قارسيا البوست دا محتل من بيان وعمها رافت
عشان يعوسو فيه الفساد,,
رافت حيحكي حاجات من زمن الاستعمار..
اوعىىىىى تكتب عن الحاجات الممنوعة
الود قارسيا دا صغير..

يا بورتسودان يا ماضي كان
ياذكريات آه لو تعود
وتعود كمان ايام زمان
يارملة في شاطئ البحر
خدك ولا خد القمر
كم ذبنا في احضانو ريد
وسكبنا شوقنا غنا وسهر
غنينا للحور والزهر
وكتبنا بدموعنا العهود
احباب علي طول الدهر


سلامات العزيزة بيان
اى بالله تعالى أحكى لينا حاجة كدة قريبة شوية , رأفت شابكنى ليك عبود وثورة أكتوبر أكيد إنه تلك الرحلة ما زالت مترسخة فى ذهنك حتى لولم تكتبى
عنها من قبل ..تعرفى يا بيان تأسرنى دوما المدن الساحلية التى تقع على طرف
البحر بطبيعتها الساحرة وحنانها الدافئ , وتاريخها ومعالمها البارزة ...
حين أكون فى إجازة فى مصر أول شئ افكر فيه هو الذهاب لمدينة الأسكندرية ,
وحين أكون فى سوريا أفكر ان أذهب مباشرة لمدينة اللاذقية , التى توجد بالقرب
منها ( أرواد ) جزيرة في شرق البحر المتوسط مقابل مدينة طرطوس السورية،
التى حولها الفرنسيون لسجن كبير إبان حقبة الإستعمار ويعتمد سكانها على مهنة الصيد , والمتابع لأعمال الأديب السورى حنا مينة سيجدها حاضرة فى عدد من أعماله ...
ايوا بالله كلمى رأفت دة ما إدخل فى الممنوع , وما إجيب سيرة عبود هنا
واصلى يا بيان متابع معاك ...