[align=justify]ماركيز:
والله اثرت اللواعج وهيجت الذكريات:
عارف يا قارسيا رغم اننا فى مدنى ما كنا معترفين باى مدينة واولهم الخرطوم وعندما كان اولاد الخرطوم بقولوا (محل الرئيس بنوم والطيارة بتقوم) كنا نقول ليهم حتى "العاصمية" جربناها قبلكم ولقيناها ما نافعة واديناها ليكم ... برغم ان ناس مدنى لا يرون ان هنالك مدينة تضاهيها فى كل هذا السودان (وهى حقيقة) ...الا اننى اكتشفت حورية البحر ايام العمل بالسودان حيث كان يقتضى عملى البقاء من اكتوبر حتى اوائل العام الجديد وطبعا دى احلى فترة لبورتسودان جو مبالغة ورزاز وغيم و ... حقا اعجبت ببورسودان التى كانت انذاك قد بدأت تسحب البساط رويدا رويدا من مدنى وقارعتها فى الكفر والوتر وبدأت بسحب لعيبة سيد الاتيام واجهزت على ما تبقى بعد ان غرف الهلال حمد والديبة وذهب الجار وعلى قلد وعليوة الى بورسودان وحمامة الى المريخ والتشليعة الياها الى يومنا هذا وجاء حيدر وعادل مسلم ليضيفوا الى الغناء ويعيدوا له شجنه القديم ويحملوا اسم بورسودان الى خارطة الغناء ... رغم ان مدنى لم ولن تعقر من المبدعين فى شتى المجالات الا ان الواضح ان بورسودان قد سحبت لقب الوصيفة الاولى للعاصمة ...وكمدينة اكثر ما تلاحظ ترحيب الناس بالغريب واحتفاءهم بالضيوف ولياليهم وبرامجهم الليلية ... وسمك البحر الاحمر والسالات (الشية) والبحر والميناء ... حقا اعدتنا الى رقصة رشيقة بيجاوية وغنية حزينة سواكنية ... تسلم [/align]
|