[imported_فتحي مسعد حنفي]

المشاركة الأصلية كتبت بواسطة الرباطابي

كل سنة وانت طيب ياجميل ياسادة (نغير من عمو وخالو التجيب قومة النفس دي) وان شاء الله السنة الجاية مافي كايرو ولاقي الدايرو …
أما فيما يخص جيتك فبركة الجيت وحبابك وبنلقاك تب ............

ماعارف حكاية جبل اولياء القايمين فيها الناس دي شنو ؟ والله انا جبل اولياء دي غير تذكرني الغرقه الغرقتها مابتسوي شي..

آي كدا0 دا الكلام 0وجبل الأولياء دي أنا جبتها من عزومة العيد البي شربوتا وقلت يكن يكون شي فضل0
وبعدين ياخي الزكريات غنو ليها حتي لو كانت غرقة0وأنا شخصيا بتذكرني بي رحلات المدرسة في مرحلة الكتاب وبي ود الجبل الراجل العظيم الانا بحترمو للغاية لأنه انسان متواضع وما نسي قديمو بل بالعكس بيفتخر بيهو زمان في سنة 63 كنا بنمشي نسهر في حديقة الموردة وود الجبل كان متواجد هناك طوالي بيشوف طلبات الناس العايز سمك من السوكي أو أي حاجة تانية بيجيبو ليهو وفي خر الليل كان بيشيل القزاز الفاضي ليهو0
رغم دا كلو لو لاقيت ود الجبل الليلة يقابلك بمودة بالغة وهو البزكرك بالماضي ويقول ليك بالله شوف الله دا كريم كيف تزكر زمان أيام الفقر0 تفتكر الزمن دا في زول بالأخلاق والتواضع دا0 هو دا رمز من رموز السوداني الأصيل الله يزيدو من نعيمو