سودانيات .. تواصل ومحبة - عرض مشاركة واحدة

عكــود · 16-08-2007, 08:44 AM

جِبْتَ الشّكْرَه فوق البِلْزَم الحارّات
الوَلَد الدّوام إيديهو جود دارّات
بار والديهو.. أيامُو أكيد بارّات
سارّ النّاس حديسو وفِعالو لَيْ سارّات

ما بْقارنوكَ بِالقَمَر البِيَضْوي اللّيل
صباح الخير.. سندنا البِشِدّ الحِيل
تاتاي الضّعاف في القاسي بْتَعَدْلَ المِيل
رُكازة القبيلة ضراها جَمَل الشّيل

غالبني الشّكُر فوق الجنى المحَنّا
أبْ قلْباً رِهَيِّفْ واسانا زالاَ مِحَنّا
ما بْدورْ الشُّكُر و للمَدِحْ ما حَنّ
مِنْ تالايْ فيض وُد وريد ومَحَنَّه

ما بْقارنوكَ بالمَطَر أبْ سحاباً شايِل
أجواداً بشوش ضَحّاك وديمه مجامِل
بالحق تخاصم حاشا ماك متحامِل
سمحات خِصالك مِي غريبة..
ابُوك الكامِل

16-08-2007, 08:44 AM	#[3]
عكــود Administrator	جِبْتَ الشّكْرَه فوق البِلْزَم الحارّات الوَلَد الدّوام إيديهو جود دارّات بار والديهو.. أيامُو أكيد بارّات سارّ النّاس حديسو وفِعالو لَيْ سارّات ما بْقارنوكَ بِالقَمَر البِيَضْوي اللّيل صباح الخير.. سندنا البِشِدّ الحِيل تاتاي الضّعاف في القاسي بْتَعَدْلَ المِيل رُكازة القبيلة ضراها جَمَل الشّيل غالبني الشّكُر فوق الجنى المحَنّا أبْ قلْباً رِهَيِّفْ واسانا زالاَ مِحَنّا ما بْدورْ الشُّكُر و للمَدِحْ ما حَنّ مِنْ تالايْ فيض وُد وريد ومَحَنَّه ما بْقارنوكَ بالمَطَر أبْ سحاباً شايِل أجواداً بشوش ضَحّاك وديمه مجامِل بالحق تخاصم حاشا ماك متحامِل سمحات خِصالك مِي غريبة.. ابُوك الكامِل
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.