[ناصر يوسف]

المشاركة الأصلية كتبت بواسطة تاج السر الملك

الأخ ناصر يوسف
ود الناظر ده نحنا كنا بنشوفو زى ود النبى
كمان يجلدوه؟؟ ده ما عز الطلب, و العجيبة كان طلع الطيش
ده انتصار لكل قوى الشعب العاملة..
سعدت بمداخلتك كثيرا..
الملك

تاج السر

كيفنهو حالك ؟؟ نعلك عافية تب

تعرف بالفعل كانت النظرة لود الناظر وكأنه ود رئيس البلد بحاله في ذاك الوقت

بس خيبت نظرك ونظرهم بإني كنت شاااااااااااطر جِداً وكنت محبوب جداً من سائر أهل القري التي درست فيها متنقلاً مع الوالد رحمه الله من قرية إلي قرية وكنت مشاركاً لهم في أتراحهم وأفراحهم ولكم لعبت المردوم والكمبلة والكِرَنق والنُقاره في الليالي القمريه

وكم كنت مشاكساً جداً ودوماً (الألفه بيكتبني مع المزعجين وقدامي صلايب كتااااااااااااار وعاصي جِداً جِداً) وبرضو تماشي الحال وأنا في المتوسطه (ياااااااا حليلها) كنت مجلود يومياً إما (قابلني) في المكتب بعد الحصه أو(نادي ولي أمرك) فكنا نتشاركها نحن سبعة طلاب أصدقاء وأولاد حي واحد كنا (فِرَد)

تاج السر الملك شكراً ليك مرة تانية شكرا جِداً