اقتباس:
اها لموضوع البوست أربط ليك بينو وبين واحدة من فقراتنا القدمناها وقاعدين نقدمها اللى هى رقصة الجنوب ...وبنبدا بفقرة درامية عن فكرة "الخدامة" وست البيت ...وبتنتهى بأنه بت ست البيت بتستهجن اهانات أمها ليهم وبتنضم للبنات وترقص زيهم وتلبس زيهم يعنى بتنتمى ليهم كلا لا جزءا ..الناس صفقوا وصمتوا ومروا بالتجربة دى ...تجربة محاسبة الذات ...على مستويات مختلفة ودى رسالتنا الدايرين نوصلها ..دايما بنوصلها ..حتى لو اتنكروا لوجود التجربة ..جوه جوه دواخلهم بيكونوا عارفين العملوة ..يعنى النكران ده جزء من العملية العلاجية ...
ده الحيحصل ..والحاصل ...الناس الكبار ديل الضاقوا راحة الخدامات ...وما حسوا بفجورهم العنصرى ده حيغالطوناكتير لحدى ما يتبين لهم الخيط الابيض من الاسود ......
حالهم ده بتذكرنى قصة الشافع الطالع فى الصهريج داك فى القضارف حكاها لى اب سفة اخوك ...طبعا خالى أحمد كان مهاب والشفع بخافوا منه ..وفى نص حى الميدان كان فى صهريج ناس المجلس مانعين الاطفال يتسلقوهو ...وخالى أحمد قايم بالمهمة دى أول من شافع يطلع فوقو هو بتولاهو ...
أها يوم فى واحد طلع لما بقى فى راسو فوووووق ...وخالى أحمد جه داخل الحلة ...بس الولد قعد يبكى ويقول : ده ما أنا .......ولاحظى هو لسه طالع
اها البغالطوا ديل غلاطهم ده اسمه (ده ما أنا) الجبانة بتاعة الولد المسكين ده ..
لانه مواجهة الذات حارة وتحمل المسئولية حار ...اتعنصرتو على الجنوبيين يالشماليين واتعنصرتو على ناس دارفور وكل زول اتعنصر على الازرق منه واى زول قال ده ما أنا ....
ما مشكلة نواصل لغاية ما الناس كلها تقول "ده أنا ...وانا آسف" زى ما عملت ايثار ...وزى ما عملت الروح العامة للفورم القام فى بوسطن
اها ما تمشى ...ساعدى يابت امى ان شا الله تتساعدى ...
ما أنسى أرحب بالمساهمين والمشاركين ...كان بالطيب وكان بالكعب ..برضوا بيثروا النقاش وبفتحوا البصاير على التجربة .
|
الحنك البيش وتسطيح الامور..
عمل الخادمة في كل البلاد عمل محترم بشروطه
ولا عيب في العمل الشريف مهما كان..
لم يستعبد احد الجنوبين او ناس دارفور
وخدمة البيوت وظيفة الان تمارسها كل الشعوب
والناس الطلعت من السودان بدري الان يعملن نساء من كل الجنسيات
في خدمات البيوت ودا عمل شريف
العمل الماشريف هو الاتجار بالقضايا وتسطيحها
ونشر الاكاذيب وتمريرها..
اي بيت" قلوريا وايت مان عندها خدامة اسبانية..
ممكن تعملو لينا مسرحية عن الخدامات من لاتين امريكا الواحدة ممكن يكون عندها دكتوراه
ولا اسكتش عن سواقين التاكسي من حملة الشهادات العليا؟
هذا ما تفعله امريكا بالناس
تحولهم الى عمال هامشين وهم يحملون افضل الشهادات..
ونقولواجهنا انفسنا
في حياتي لم اعامل اي شخص من الجنوب او دارفور بصورة سيئة
حتى احمل وزرهم..
كل زول يحاسب روحوا مافي داعي للتجريم الجماعي..