[imported_رأفت ميلاد]

المشاركة الأصلية كتبت بواسطة hatim ALi

ما عشان المحن دي بتاعت المتأسلمين يا رأفت قلنا:

النقاب حرية شخصية شرط أن لا يتداخل مع حريات الآخرين و حقوقهم

و الدين نفسه مسئولية فردية

يعني بإختصار كدا :

الشايفة و مقتنعة انو النقاب دا فرض عليها و حاتخش النار لو ما اتنقبت على نفسها بصيرة

و الما مقتنعة بالنقاب و شايفاهو عادة متخلفة من عادات بدو الجزيرة العربية برضو من حقها ما تتنقب

عشان نقطع الطريق على المتأسلمين ديل ما يغرقونا في الجدال السفسطائي دا :

نطة صغيرة يا حاتم فى الحتة الحمرتها ليك دى .. وبرضو خارج الموضوع .. ولكن يمت للحرية الشخصية بصلة .. قبل مشروع منع النقاب فى فرنسا .. كانت أوربا تصدر قررارات محلية كثيرة فى هذا الصدد .. مثل منع المنقبات بتاتاً من قيادة السيارات .. لتخفى شخصية قائد السيارة أمام الشرطة والكاميرات .. ومنعهم المرور عبر المطارات والحدود .. ونتج المنع لرفض المنقبات كشف ووههن لرجال الأمن.
فالمنع صدر من نواحى أمنية تهدد الأمن وتزيد تكلفته المادية بتخصيص أمن من النساء وغرف خاصة للكشف على المنقبات عبر الحدود والمطارت ..
أيضاً هاجس الأعمال التخريبية فى المراكز التجارية والمنشئات وإستحالة الوصول للفاعل تحت النقاب حتى إذا إلتقطته الكامرات ..
ألا تعتقد هكذا المنقبات يريدن فرض حريتهن الشخصية على مجتمع لا يهمه الأمر ويريد فقط توفير مساحة من الأمن كافية وغير معقدة ..

بالمناسبة دول عربية منها مصر تدرس فكرة منع النقاب أمنياً .. وسينشط الشيوخ فى زرع الفتنة