[الزوول]

السلام عليكم
ويا سلام عليكم
لما تنداحوا
واصل يا عاصم الحكي
ويبدو أن ذاكرتك هي الباقية بين الاسايطة المخرفين ديل
بس غريبة انك تسأل مكي ينزل الصور
والحوش المجاور يحتوي على عدد مقدر من صور ميكي والزوول
ومنتظرين جديد ناس علوم
............
ميكي ...
ياخي ده شعور جميل انك ما تكون مسئول مسئولية مباشرة عن البوست
انا شخصياً لما البوست بتاعنا في الحوش المجاور يمشي للصفحة التانية والتالتة ، بيجيني تأنيب ضمير.. ويخيل لي كل الأسايطة بيقولوا لي ( انت ما شايف شغلك)
بيذكرني واحد دكتور قريبنا اشتغل دكتور خصوصي لواحد من الشيوخ الكبار
بيحكي قال ما ارتاح الا لما استقال بالرغم من المرتب الضخم والتسهيلات الكثيرة الكان بيتمتع بيها
أولاً: اجازة مافي بتاتاً محل ما الشيخ ماشي لازم يكون معاه
ثانياً :قال لما يكونوا قاعدين في مجلس الشيخ
اذا الشيخ عطس ساكت ... الجماعة الفي المجلس كلهم يتلفتوا يعاينو ليهو
نظرة كأنها تعني ( انت ما شايف شغلك )
ميكي : هاردلك وكل الرشاشات الأسايطة