[imported_شبارقة]

المشاركة الأصلية كتبت بواسطة wadosman

[align=center]

الفنان محمد سلاّام بعد الاغنيه دى ما عندو اى غناء معروف
و كثير من الفنانين اشتهروا فقط باغنيه واحده و بس [/align]

[align=justify]شكرا ً يا ود عثمان وأنت تعود بينا دائما ً للزمن الجميل.

إتعزز الليمون ظهرت في بدايات العام 1976م ... وإشتهرت بصورة ما عادية في تلك الفترة وكانت على كل لسان ... وأشار إليها المرحوم الوزير / عمر الحاج موسى في خطابه الأخير والشهير وذلك قبل وفاته بيوم واحد. [/align][align=justify]لمحمد سلام أغنية أخرى جميلة جدا ً (ظهرت في 1980م) هي زاد السفر ... التي يقول مطلعها : زاد السفر يا غالية كان كلمة وداعك ليا في ساعة الرحيل. [/align]

[align=center]
زاد السفر يا غالية كان كلمة وداعك ليا في ساعة الرحيل
كلمة وداعك كفكفت دمعات أاساي
خلتني انسي تعب شقاي
واسرح مع الحلم الجميل

ورحلت يا حلمي الجميل
لاكنت باكي كسير جناح
ولا حتي دمعاتي بتسيل
ما كنت عاد يا قساي
شايل بسيمتك شمعة في الدرب الطويل..

ما كنت زي ما قلت لي
بلقاكي ما بين كل خطوة وكل لمحة وكل لفتة زول جميل
في كل شتلة علي الضفاف حاضنة الجروف ساقيها نيل
في سندس الوادي المسافر زرعوهو رحلة علي السهول
في كل غيمة خير تطير تنصب ظلالا علي الشتول
والقاكي في سرب الظبا الراجع مراحو مع الاصيل

والله يا حلمي الجميل
كانت حروفك زي عيوني
وذادي في السفر الطويل
كانت نغم طمبور يداوي الوجعة في ليل الجراح
كانت حروف دوباي تشق صمت الجروف قبل الصباح..
وانا حالي يا ست السماح
حال عندليب خلص مواسم هجرتو
يا حليلو كان مكسور جناح
لاكنو يا ضي الصباح
لا داوي بالغربة الجرح ولا استراح!![/align]