[imported_wadosman]

المشاركة الأصلية كتبت بواسطة عكــود

[align=center]الفجر نبحن بوابيرا - للحفظ[/align][align=justify]صباحاتك بخيرها يا ودعثمان . .
النعام ده كوم وباقي فنّانين الطنبور مهما أبدعوا كوم تاني.
أسمع الصوت ده بالله، الزول ده هو الوصّل أغنية الدليب للإعلام وعرّف الناس بيها وألّف قلوبهم. طبعاً إستفاد من عبقريّة حسن الدابي وشكّل ثنائية مبدعة معاهو (رحمهما الله).
الجانب التاني للنعام، خفّة الدم، الروح الحلوة وخاصيّة القبول عند الناس . .
أذكر مرّة ود بادي سألو:
- إنت يا النعام، تشيل وتغنّي للحريم السمحات، العرّفك بالسماحة شنو وإنت ماك قاعد تشوف؟
ضحك النعام وأدّى شنبو مسحة،
- الحريم السمحات ماهِن دايراتلّهِن شوف . . المرة السمحي، متل البرسيم المسقي، من تمر بي فوقك تشم زيفتها. (عليك الله ما صدق!).
[/align]

عكود يا حبيب..

والله فعلا النعاام عالم براهو و ابدااع خرافى و يحفظ له الفضل فى عكس
اغنيه الطمبور فى زمن كانت فيها وسائل الاعلااام محدوده جدا و الراديو
كان بالكاد يغطى مناطق محدوده من السودان...

يجب كذلك ان نحفظ الفضل للراحل على الحسن مالك و الذى كان يقدم برنامج
ربوع السودان فى الستينات من القرن الماضى فهو الذى استطاع ان ياتى بالنعام
لهذا البرنامج و الذى كان مسموعا فى جميع انحاء السودان و الذى من خلاله عرف
الجميع غناء الطمبور و ايضا عرفوا النعام ادم كفنان لا يشق له غبار...

قصه البنات السمحات و البرسيم مباالغه.......ههههههههههه
كان برضو تحكى بتاعت المويه و النور الت ابو داؤود...


تسلم يا ملك...