يارأفت عملت لي كمين وأنا دخلت بي كرعيني بلا مقاومة ودا من الشوق ليس الا.
وعدتك بالعودة لموضوع النذير دفع الله رحمه الله.ودي حكاية سمعتها والعتبي علي الراوي الأول:
في مرة كان في حرامي عايز ينط حيطة بيت النذير وكان هو نايم جنب الحيطة.الحرامي وهو في الحيطة النذير صحا من النوم وشاف الحرامي في الحيطة وكان طبعا شكلو بالصلعة والراسين والشعرات الفي الأجناب منكوشة والقمر ضارب في وشو صرخ في الحرامي بصوت أجش انت منو؟
الحرامي عاين ليهو وصرخ من الخوف ووقع من الحيطة كسر رجلو..ولما البوليس جا يقبضو.. الحرامي قعد يكورك ودوني السجن سوقوني من هنا البيت دا مسكون..
|