[الزوول]

السلام عليكم
أخونا كباشي وباقي الأسايطة الأعزاء
لم أقصد بتوضيحي الذي أتيت به تبيان (زعلي أو ضيقي) من المشاغلة الذكية لأخونا كباشي
بقدر ما هو أجابة وتوضيح لتساؤل شرعي قد يدور أو قد يكون قد دار بذهن الكثيرين
وربما هو احساس داخلي نتيجة لتقصير مني في ايضاح موقفي وقتها ، فكان ان انتهزت (مشاغلة) أخونا كباشي
ودعنا لا نطيل العتاب في هذا الموضوع ولكم العتبى حتى ترضوا
............................
نترحم أولاً على اخونا المرحوم عادل عبدالرحمن محمد
له الرحمة وكل أخواننا الأسايطة الذين سبقونا ان شاء الله الى رحمة ربهم
......................

المشاركة الأصلية كتبت بواسطة ابوريم

الزول......ازيك
للتصحيح......ابوريم
(اسامة مامون الأمين) تربية انجليزي خريج 1990 امدرمان بيت المال
اما اسامة الطاهر الهادي-بيطرة اسيوط دفعة1992 من فداسي
اما الارباب فهو عادل جعفر -زراعه وصورتو نازلة بالحجم الكبير في طاولة اجتماعات

طبعاً الجماعة الحاقدين ظهروا
وما صدقوا يلقوا فرصة في ذاكرتنا الحديدية الجبارة
حتى شنوا عليها هجوم الغمز واللمز
وحتى تطمئن قلوبهم إن (الحال من بعضه)
خاب فالكم
هذه ليست بأخطاء ذاكرة بل هي أخطاء عدم معرفة
فالزوول لم يتشرف بمعرفة ريم ولم يحالفه الحظ بمعرفة اللقب الأربابي لأخونا الظريف اسامة مأمون
لك التحية اخواني عادل جعفر اللاعب الفذ
ولك التحية أخي اسامة مأمون مأمون الأمدرماني الأصيل
وقد عاتبت نفسي قبل هجوم الأخوة الحاقدين
في ردي على الأخ أرباب (د.بهاء الدين) في القرية المجاورة
سأنقله لكم هنا

السلام عليكم
تعرف يا بهاء الدين نكتة (أرباب) ؟
اتنين دخلوا السينما
شافوا ليهم زول عندو صلعة كبيرة
واحد قال للتاني
اها ... تديني كم لو ضربت ليك الزول في صلعتو؟
قاليهو : اديك 20 ألف
قام مشى للزول وصرررررر .. ضربوا ليك في صلعتو
الزول اتلفت عليهو زعلان
قاليهو ... معليش ياخي انا كنت قايلك أرباب
....
بعد شوية قال لصاحبو
أها ... لو ضربت ليك الزول ده تاني في صلعتو تديني كم
صاحبو استغرب .. وقالو اديك 50 ألف
قام مشى للزول وصرررررررر .. اداهو ليك في صلعتو
اب صلعة زعلان : يا زول مالك ؟
صاحبك قالو .. هو ده انت والله انا كنت قايلك أرباب
ياخي انت بتشيهو شبه عجيب
ابصلعة زعل وقال ليهو .. يا خي السينما دي ذاتها خليناها ليكم
أها بعد ما الفيلم انتهى ومرقو بره ...صادفو الزول ابصلعة مرة تاني يشرب في بارد
قام قال لصاحبو
أها لو ضربت ليك الزول ده تاني في صلعتو ..تديني كم ؟
قاليهو .. يا زول انت جنيت ما بتقدر .. واكان قدرت اديك مية الف عديل كده
قام صاحبنا مشى للزول ابصلعة
وصررررررر اداهوا ليك في صلعتو وقالو
اتاريك يا ارباب قاعد بى هنا وانت قاعد اضرب الناس في السينما ؟
.............
اها يا بهاء الدين
اتاريك انت قاعد بى هنا
وانا قاعد اشاغل في الزول الأسمو ارباب في الحوش بتاع ناس اسيوط في القرية المجاورة
http://sudanyat.org/vb/showthread.php?t=6899

تحياتي لأمل الخاتم
...........
وما الناس إلا هالك وأبن هالك *** وذو نسب في الهالكين عريق

http://www.sudaneseonline.com/cgi-bi...00573800&rn=40