[مكي محمد الحسن]

المشاركة الأصلية كتبت بواسطة محمد ود الطيب

د.منتصر شكرا علي الرد مقدرين الظروف وعارفين متاعب الغربة اللهم رد غربة الجميع ذكرتني والله بالشقة حيث كان صلاح الكنترول الكبير غايتو الله يعين المدام وكان مقسم الشقة الي صلاح ينظف ولا يوسخ ود المصطفي لا ينظف ولا يوسخ ود الطيب يوسخ وينظف إما رفعت يوسخ ولاينظف وأرشحه أفضل وزير صحة إما الجيلي ذلك الرائع الغائب فكنا نترقب زيارته لانه الوحيد الكان قادر علي صلاح عبد المجيد في النقاش

مكوك يامنتصر كان مريخابي الحين هلالابي أمكن ده تأثير البيت الأبيض الواقف امامو أو الدب الأبيض يامكوك ده ما الدب الروسي ؟؟؟؟؟؟؟؟؟؟؟؟؟؟
يا صعيدة ازيكم
الاخ محمد الطيب تعرف ..ودي ما دايره ليها قسم انا هلالابي وأزرق الدم والون والرائحة من ما قمت لكن نسوي شنو في ( الدبلوماسية ) وبصورة انطباعية عامة ناس بري ( وعلي فكرة لعبت في أشبال بري فترة أيام الثانوي العالي ..وخالي محمود الامين خوجلي رئيسا لنادي بري الأن ...الاغنية بتقول : كبرنا وكبرت أحزانا وانتوا صغرتوا زدتوا حلاه .. اها نحن بنغني وبنقول كبرنا وصغرت أحلامنا وانتوا كبرتوا وزدتوا حلاه ..) أها ناس بري ديل غالبيتهم هلالاب ولونهم أزرق بالابيض ( علي فكرة نادي بري أول نادي سوداني قبل الموردة للتاريخ ) .. لذلك لا جدال حول هلالبيتي الزرقاء الناصعة.. دي بتقودني للسياسة الانت ذكرتها مبهمه في ( الدب الابيض والدب الروسي .. وبما انك وشخصي بتاعين احياء وشخصنا الضعيف يعيش في بلاد الدب الابيض Polar Bear وبما انه اي الدب الابيض يعيش في كندا وروسيا في التقائهما بالقطب الشمالي الا ان في الحديث نكهة سياسية وعليه ..) تعرف عندما كنت طالبا في أسيوط حتي اخوانا الشيوعيين كانوا قايليني شيوعي ...ناهيك عن الكيزان ودي عارفناها ناس كيمو البروف ومنير العوض خاصة دعواتهم لشخصي البسيط للمشاركة في تلاوة أو حوار ولقد شهدت ذلك شقتنا والاخوة صابر وجمال وشقة حي قسم أول المغرباين )...وعندما كنت بقاهرة المعز في فترة التسعينيات ( معارضاً ) لحكومة الانقاذ كان هنالك أحد الاتحاديين ( خليفة ) يقسم عندما اناقشة بانني شيوعي ( أحمر ) وكادر سري وبأدفع إ شتراكات كمان للحزب الشيوعي السوداني ...اها قام الكلام وصل ( مولانا السيد محمد عثمان الميرغني ) قلت ليهم في حضورة : أنا اتحادي تقدمي !!! ضحك الجميع ..نعم ..ولكنني أقولها لك أخي محمد الطيب الدب الروسي يا حليلوا ؟؟؟ مات في خضم أحداث النظرية ...وعاش أهل الرأسمالية بما فيهم اخوانا ال ( الجبهجية بشقيهم الآن)
شخص أسيوطي واحد ..هبش الوتر الحساس ونقش الانتماء وقام ( ورطني ) في السياسة ...هو الاخ كباشي الحاج ... ومن اليوم داك بقت السياسة حرفه لي ( عندي خال دائما بيقول لي السياسة دي شغلانية من لا شغل له ) تخيل ... نحنا ليه حرمنا من العمل في السودان؟ ( اذا لم اتحدث عن نفسي ..فانني اتحدث بالانابة عن آخرين ) ثم لماذا هاجرنا الي تلك الفيافي ؟..يا ود الطيب عليك الله ما تفتح تلك الجراح بعدما اندمل جرحها؟!