[د/ كمتور]

المشاركة الأصلية كتبت بواسطة مكي محمد الحسن

السلام عليكم يا صعايده
الاخ ابوشعر والله منور ومحي البوست ( تخيل بعد الصورة النزلتها دي ممكن أقول ليك امكن لو كنت قابلتك في السوق العربي ولا الافرنجي ما أعرفك ... وجاييك لي دي بعدين نفت القديم والجديد ) لكن في داعي تخجل اخونا ابو الكبش ده بانزال صورتوا الخائف عليها.. حق عليه المثل قطارك فات وغنائيك مات ..
يا كباشي انا داير أخونا الشقيق محمد عابدين ( تاكسي الغرام ) يفت لينا ما عندوه هنا ؟؟
وشكراً للاخ عاصم شبارقة علي الاسماء وانعاش الذاكرة ..كبرنا ولكن ما بنكابر..
شيخي عصام محمود كيشو ( كشكش ) حاضر والله وعرضتك في الموقع بس كفاية ..لكن الله يجيب لينا صورك القديمة والجديدة ...( بس لو ود الازرق بطل حركات الحندكة العندوا دي ..)
عودة للاقتباس في أعلاه:
د.عصام كمتور ..بما انك قد تطرقت الي ( أسرة بخت الرضا ) والاحتفال بالمئوية ..وذكرك لحفل استقبالنا ( برالمه ) وبما انك خريج تربية أحياء فلدي بعض من القول عن شخصية ذكرتها في مداخلتك السابقة الا وهي شخصية الاخ اسماعيل محمد أحمد .. كان من أميز الطلاب السودانيين تفوقاً أكاديمياً في كلية التربية بجامعة اسيوط ..سكن وهو برلوم مع الاخ صالح صديق عبد الله 1985 ..كان اسماعيل اول الدفعة الي ان تخرج في عام 1988 ..اشتهر ب ( ما موز ) وتفسيرها كما يداعبه دائماً الاخ محمد الفاتح مصطفي ابوكنه ( الغائب عن هذا الموقع ايضاً ) بحصول الطالب علي تقدير ( امتياز) في مواده الدراسية ..فتجد للاخ اسماعيل محمد أحمد تلك الدرجة النهائية علي نتيجة انتهاء كل عام دراسي .. والسر في ذلك ان الاخ اسماعيل لا يغيب عن محاضرة أو نشاط تطبيقي في المعامل ابداً ..كان يكتب ..اذا اطلعت علي مدونة محاضراته ما يقوله المحاضر من ( طقطق الي السلام عليكم ...فمثلاً تجد بدايه الصفحة كالتالي : صباح الخير النهارده حا نتكلم عن ...بالدارجة المصرية ) وكأنك تستمع الي المحاضر عبر تسحيل صوتي .. كان يسجل كل صغيرة وكبيرة وينتبه الي ما يقوله استاذ المادة ( النقطة دي تهمني جداً ..) سؤال مكشوف لذو بصيرة من أسئلة الامتحانات النهائية ..
أرجو من الاخ الاستاذ الدكتور البروف كمال محجوب ان يسأل الاخ صالح صديق عبد الله ( علي الرغم من غيابه عن هذا التجمع الاسيوطي ) وهو مقيم معه في مكة بالمملكة العربية السعودية عن اخبار الاخ اسماعيل ( وعارف يا شيخي كيشو بان صالح من القضارف واسماعيل من الابيض )..

أتفق معك يا مكي فيما ذهبت إليه بشأن الأخ إسماعيل محمد أحمد0
وفوق هذا وذاك فقد عهدته شهماً كريماً ( علماً بأنني قد سكنت برفقته - وأنا في السنة الرابعة - في المدينة الجامعية )0
فقد التقتيه صدفة في الخرطوم قبل عام 2000م ( 1998 على ما اذكر) وكان على وشك أن ينهي دراسة الماجستير في التربية و علمت منه انخراطه في سلك الشرطة ( لعله ضمن الدفعة الجامعية الأولى)0
وقد كان لقاء عابراً كان من المأمول أن يتكرر ولكن حالت الظروف دون ذلك وبعدها انقطعت أخباره0

تحياتنا من على البعد لاسماعيل فقد كان نعم الأخ0