الاخوة والاخوات الاسايطه
السلام عليكم
اولاً الف الف مبروك الموقع الجديد والشكر موصول للاخ الشقيق الدكتور زهير الحاج و العاملين عليه
فلقد كان حلماً وتحقق ..سعي فيه الاخ د.زهير منذ العام الماضي في القرية المجاورة وكما قال عن نفسه .. ( وبعد تخصصه في الماعز والاغنام والابقار ..اصبح متخصص تكنلوجيا المواقع الالكترونية علي الشبكة ... سنة يا ابو الزوز والله غلبت د.الزوول عديل كده ؟ بالمناسبة هو ين مختفي ؟؟؟)
لقد قمنا بتسجيل اشتراكنا باسم makook يلا يا اخوانا واخواتنا سارعوا بالتسجيل ..
الاخ كيشو ما تتحسس والله نحنا في سودانيات دي أعضاء قبل بوست أسيوط فيها لا بنخليها ولا بنفوتها والحوش ده مفتوح خنا وهناك ولو في زول فتح ليهو حوش ( أسيوطي ) تاني في اي موقع بتلقانا فيهو متوهطين ..وكأسايطة قاعدين نقدم في الموية والحاجة الباردة ومالزم للضيوف ( الزوار من غير الاسايطة ) يلا يا اخوانا انا غايتو لقيت الاخوة الاعضاء المسجلين د.زهير الحاج وأسامة ( بس ما عرفتوا اي د. اسامة اسامة الطاهر نسيب د.زهير الحاج ودفعته في بيطرة أسيوط ولا أسامة مامون الامين - ابوريم ؟؟ ....وكلهم اسايطة )..
_____________
تخريمة:
اتصل علي الاخ الشقيق الرائع معاوية جاويش اليوم من مدينة العين بدولة الامارات العربية المتحدة .. اتصالاً داعب ذكرياتنا .. الاخ معاوية يذكر اخر لقاء لنا في السودان عام 1991 وقبله ... كنت وقتها اسكن في بيتنا ببري ( عزابي ) حيث كانت الاسرة بالسعودية آنذاك ..وكنت قد ذكرت سابقاً اننا كنا نتلاقي كاسايطة في يوم الجمعة عندي بالمنزل منهم الاخ عادل حامد طه وكنت قد ذكرت سابقاً قصة تبرعة بتلك الدجاجات الصغيرة الحجم ( وكانت هنالك حلل تجقجق وكتشينة مع خرخره وحمبكة ..لم يحضرها الاخ عصام محجوب أكثر الخرخارين في الوست ..الاخ ابوريم يذكر كم من أوراق الكوتشينة قد تمزق علي ايدي عصام محجوب ونحن في طرابلس بليبيا ..كان يمزق الاوراق كلما شارف اللعب علي - اسنا - عندما كنا ندمن لعب - الوست ) ..المهم في الامر الاخ عصام جاويش جاني في بري المحس وصلي معنا الجمعة مرات وهو ما زال يذكر تلك الجمعة التي جاءني فيها وقصة - الجلابية البيضاء ( بالله يا جاويش كتم علي كدة وما تصرح .. انت عارف كباشي داير فيني فرصة وما لاقيها ) الاخ معاوية جاويش ايضاً كنت ازورة في الديوم مرات وانا معدي علي الاخ محمد الحافظ في حي الزهور .. وما امتع وما اجمل منها ايام خاصة اذا زرت الاخ معاويه بالديم ... الاخ جاويش التلفونات بيناتنا ان شاء الله
________________
ولنا عودة
|