اقتباس:
المشاركة الأصلية كتبت بواسطة بدر الدين اسحاق احمد
نواصـــل ...
طلبتك بي النبي كان تواصل
الاخ بدرالدين مع احترامنا لي عضويتك في سودانيات واحترامنا لتكبدكم المشاق والذهاب الي القاهرة سميراميس انا شايف البوست بتاعك غير موفق ونصيحه من اخو ليك البقول ليك هناك افتح لينا بوست عشان تعم الفائده بضحك عليك لو انت اقتصادي اوغير اقتصادي موضوع الساعه والذي يشابه هذا الموضوع هو اثر انفصال الجنوب علي الخزينه العامه للدوله ايرادات الجنوب والبترول تمثل 80% من ايرادات الخزينه العامه في حال انفصال الجنوب تكون هنالك موارد ماليه في خبر كان وهو اساس معالجة تشغيل الشباب كما ان السودان حاليا يعتبر منفصل عن القضايا العالمية فيما يخص الازمة وتبعاتها للاشكالات الداخليه الانقساميه مما تعني افقار الدوله وهذا في حد ذاته ازمه داخليه تستوجب المعالجة خيلنا من العالميات انا ما عارف انتو ليه لسع مصرين تتكلموا بي الشعارات الرنانه الزائفه حلوا كوم المشاكل العملتوا ده بعدين نمشي للعالمية ..... ده كلو كوم والواقع شيء اخر لقد تم فصل ما لا يقل عن 200 شخص من العاملين في الهيئة المركزيه للكهرباء بمدني في هذه الايام ايام مؤتمركم مما ادي لتشريد اسر وشباب دي تندرج في لائحه شنو؟؟؟؟؟؟ ثانيا الخصخصه الموجه وفائض العماله دي تشريد غنم .... ثالثا المرافق الحيويه التي كانت تعتمد الدولة علي ايراداتها وتم محاربتها واصبحت خرابات ينعق بها البوم مثل مصانع النسيج المرافق الزراعيه وما يشملها من انتاج وتصنيع زراعي كيف يتم اعادة تاهيل كل هذه المرافق بعد انفصال الجنوب ومشكلة الخزينه العامه والميزانيه ........ بالله احلفك عليك الله كان بتعرفوا ما تقرفنا من الصباح بي بوستات زي دي الواحد جاي الشغل بي مزاج زفت كما عايز تطينا مره واحده معانا وقت الله رحمنا من تلفزيونكم واذاعتكم ....... احسن تعرش علي كده !!!!!!