[imported_رأفت ميلاد]

المشاركة الأصلية كتبت بواسطة فتحي مسعد حنفي
الساعة اتناشر ونص وأنا مرسلني أجيب لبن عشان يعملو مديدة حلبة للبت الوالدة..شفت جنس المنتشة دي باللاي يامقدس..
كنت جاهز نفسيا أطير عليك بي جوز لكن نجدك اللبن..أرجاني لامن أرجع ليك وأشوف معاك هيئة الأمم الشغال معاها دي وألحقك قبال ما تسلم علي يد قريبة الملك فاروق

البت الولدت منو .. أمينة .. بتين وما كلمتنى ياخ ..
ياخ ألف مبروك .. بخش ليك أون لاين هسة ..

قريبة ملكم فاروق قصيرونة زى الألبانيات .. لكن شديدة ولضيضة .. شغلنا مرتبط بالمخازن بالغرفة الجمبنا .. وتلاجة حفظ عديل .. يعنى كان نحن درجة الحرارة صفر .. هناك داون عشرين .. جوة التلاجة فى جلكين مكجنى .. ما عارف حاسدنى على الحريم ولّ على الصفر القاعد فية .. شغلوا بجيب لينا الخام .. ويجى ياخد المخلص .. كل ما أناديه يصهين إلا أدخل ليه فى البردية دى ..

سلطت ليك عليه خجيجة .. قلت ليها الزول ده عنصرى ومكجنى .. بالله تجر ليك الباب الزى الرزة زى الكضب .. وعندها حلقوم ملوكى على ذكر فاروق .. صحبك يجى راسو فوق كرعيهو ..

غايتو يا فتحى كان جابوك لينا كان ما كتلتك الرطوبة بتكتلك سماحة الحريم .. يومداك رجعت البيت لقيتم بغسلوا .. قلعت اللابسو كلو عمل دور غسيل براحة ..