[معتصم الطاهر]

[QUOTE=بسمله;95773]

المشاركة الأصلية كتبت بواسطة معتصم الطاهر

[size=4][color=#4B0082]

سلامات يا هندسه

يا معتصم .. كيف يعنى احبو و اوجع قلبى و اساهر و اعد النجوم و فى النهايه ما اتزوجو و امشى اتزوج واحد تانى !!!
يعنى مش هو الزول قلبو بيدق بدون مقدمات و بيتمنى انو يرتبط بى شخص معين يكمل معاهو حياتو و لا انا غلطانه ... و لا الزول بس بيحب لاجل الحب و زى ما تجى تجى و لا الحاصل شنو .
كلامك عن الزواج دا برجع ليك هسه

سلامات بسملة

يعني ..اول حاجة لما قلبك يدق .. تقومي تقولي ليه " بسم الله .. انت يا قلب السجم والرماد الزول دا عارف ليه شنو .. ؟" أها سؤال زى دا بنقّص زيادة الخفقان .. مش خالص ..بس حبة فرملة .. على خفيف ..!!
ولو ورطتي .. بقوم السؤال دا ببقى ليك زى طوق نجاة بمرقك طوالي وكت الغرق .."
بعدين ..
انا ما قلت ليك "ما تتزوجي البتحبيهو ..!!!!"
قلت ليك " حبي البتتزوجيهو " ..
لكن لو تزوجتي زول باختيارك ..دا معناهو بتحبيهو أكثر ..

الحب المتبادل ، الذي يولد ويتوالد ، ويكبر ويكثر بمرور الأيام والسنين ، إنه الحب الحقيقي الذي تنقيه الأيام ، وتثبته المواقف ، وليس الكلمات المعسولة التي تقال قبل الزواج .

إن الحب الحقيقي لا يؤثر فيه موقف أو عشرة ، لأنه حب مرتبط بحياة أسرية ، كان غرض الطرفين فيه إقامة أسرة إسلامية سعيدة ، وليس حبا مرتبطا بالهوى والميل والعشق والجنس .

يا إخية .. تعرفي أنا تفسيري لمودة ورحمة شنو ..؟

المودة .. هي الريدة .. والحنية والاحترام ..و التلاقي ..و الحميمية ..
والرحمة هي الفهم .. والتفاهم .. لأنو الناس لما تعيش مع بعض يوميا بيكون بيناتهم غلط وغلاط..
أها الغلط والغلاط ديل .. بجيبن مشاكل ..
فى حاجات كثير في الزواج بتمنع تضخيم المشاكل
وفى حاجات بتمسح الغلط ..نهائي .. ما بتخلي حتى أثر ..
منها الاعتذار .. و المسامحة .. والتفهم .. أها ، دي بتبدأ ليك سطر جديد ..
و طبعا فى حاجات بتبدأ ليكم صفحة جديدة ..منها الحضن والمسح على الظهر و القبلة .. والكلمة الطيبة ..والوعد بعدم تكرار الخطأ .. و أهم حاجة .. ما نتغالط .. فى الغلط ..
المغالطة معناها مش انت صاح ولا أنا صاح ..
المغالطة معناها .. الحاجة دي أنا تاني بعملها .. يلا طُق .. أو أعملي الدايراهو وطقي راسك فى الحيطة ..

أما سيد الرحمة والمودة فهو الجنس .. ببدأ ليكم طوالي صفحة جديدة.. سطر جديد ..
في ناس ما بعرفو يتكلمو .. أها زي ديل بستعملو لغة الجسد
ولغة الجسد بين الأزواج .. لغة مفهومة و مباركة و فيها أجر ..

أها الحاجات الزي دي فى الجكس و القعاد فى البنشات والحدائق ..بتكون مافي ..

طيب تعرفي كيف الحاجات دي بتكون في ..بعدين ..ولا بتكون مافي
وماهي دلالات ذلك و الاشارات !!!!!!

دى بقى المداخلة الجاية ..

هدية ..

أما كلمة الرحمة التي تعني ـ من قبل الخالق ـ : الفضل والإحسان والكرم، وتعني ـ من قبل الإنسان ـ : الرأفة والعطف، فقد وردت إلى جانب كلمات أخرى في القرآن الكريم مثل (صلوات ورحمة، مغفرة ورحمة، هدى ورحمة، وإماماً ورحمة، ورحمة ورضوان، ورحمة الله وبركاته، شفاء ورحمة، ورأفة ورحمة). وتختلف الرحمة عن المودة في أن الرحمة عندما تحلّ تدفع كلّ الضرّاء والسوء والعذاب والنقمة.

http://www.balagh.com/woman/heih/bk0nwa40.htm