[فيصل سعد]

كاتب النص الأصلي : بسمله
3 بعدين لى شنو الولد بيفكر يجرح البت لامن يكون متاكد انها ما شايفه غيرو فى الدنيا ؟


دا طبعا بيحدث كثيرا من الجهة الثانية برضوا ، و اذا كان عناد للفت نظر يرجى مراقبة درجته لكي يكون تحت السيطرة و لا يخرج من المعدل الطبيعي، و يخش في غرور و زهو و فخر مصطنع و يستفحل و يبقى مرض و نشاف راس يؤدي الي فركشة العلاقة .. و اعتقد لو الزول او الزولة دايرين ينهوا العلاقة يجب ان يسلكوا طرق اكثر وضوحا و نبلا بدون ما يخشوا في تجريح و خلافه ..

تعرف باعمو القصة الذكاء ما بلعب فيها دور كبير لانو الراجل لما يكون داير يكون سجمان .. بكون سجمان و رمدان .. و لما يحمر عينو و يبرم شنبو و يتحنفش و يعمل فيها شيخ عرب طوالى بمشى اخلى .. الا بجى صادة لما يروق و يمرق من جلابية جدو .. و يكون منطقى و عقلانى و يتفاهم برواقة و النفس الحار نحن جكس بنبردو بالايس كريم ..

حبل التفاهم بين الشريكين لازم يتوزن بالصدق و الوضوح و الصراحة و المرونة و الاحترام و القبول ، و كان واحد شد التاني يرخي و بالعكس .. و حبل الصبر لازم يكون ممدود من الطرفين على الدوام ، و دي الطريقة الجيدة لمواجهة و هزيمة الحساد و العوازل و الشمات و المطبات و الصعاب و المنعرجات .. يجب على الطرفين تقاسم و مشاركة الهم و الغم و الفرح و السرور ..

[align=center]"العاشقك عاشق كل الفيك
غنايك في كل ظروفك ..
في الفرح البدفق وعد و فال
في الحزن الودر ضي شوفك " [/align]

و يجب ان لا تحمل الصدور و النفوس غلا و غبائن و جراحات و عدم رضا حفاظا على صحة و سلامة و حميمية العلاقة لضمان استمرارها و انسيابها في بيئة صالحة و معافاة و جو سليم و بنيان قوي و ثابت..

4- و هل صحيح انو الرجال معليش معليش معليش انا اسفه بيحبو البت الى بتعفص ليهم و تحقر بيهم ؟

دا برضوا بيحصل من الجهة التانية ، و للاسف بيحصل و حب الناس مذاهب!!!
و هو شذوذ و مرض نفسي على ما اعتقد يحتاج زيارة للطبيب .. و في الحتة دي طالما الزول و الزولة دايرين العفص و الحقارة و مستمتعين، بظروفهم ياكلوا نارهم !! موضوع شبيه زي دا بيحصل كشذوذ جنسي انه في ناس ما بيمارسوا الا ينضربوا و يضربوا بعضهم بالكرباج تحت القيد بالحبال و السلاسل، حمانا الله و حماكم من هذه المحن و البلاوي.

الى ان نلتقي ، اجدد التحايا و في امان الله..