[منال]

المشاركة الأصلية كتبت بواسطة معتصم الطاهر

الطرف المبادر ..

عارفة بسموها ست البيت ليه ؟؟
عشان هي ستو ..
والسيادة ما بتجي الا بالمبادرة ..

طبعا يا عمو السيادة كان بالمبادرة كنا مسكنا رئيس جمهورية و نحن اليوم بقينا بنكابس فى وزارة حتى ... ترجع لموضوعنا المبادرة فى البيت ما عشان تمشى البيت و تسير المركب و هى الربان الماهر و هى ...وهى ست البيت خلت الابو يترك ليها الحبل على القارب و دا كان زمان لمن كانت النساء ربات بيوت بس و اليوم المشهد انو بترجع سزا فى ذات الزمن و البيت (العمل المنزلى طبيخ - غسيل - نظافة ) تربية اولاد السؤال هو بشارك قدر شنو فى تحمل الدور ده ...

شوفي لو عاوزة قبل خمسة سنين تجدي اتفاق نهائي أو استقرار .. أنا ما عندي ليك حل ..
السنين الاولى دى كلها كل يوم بنقلع قميص
قميصك امك .. و جلباب ابوى .. و نعال صاحبي و طرحة صاحبتك ..
لامن نبقى كما الله خلقنا و نبدأ نأسس فى بيت أساسو .. أنا و انتي ..
فض الاشتباك بكون بالنقاش .. المثمر فى الوكت المناسب ..
والوكت المناسب دى الحاجة الما بتعرفها المرأة ابدا ..

ما ح اقول فيها شى الحتة دى لانو صحيح قلع الهدوم الكثيرة التى ذكرتها بكون داير وقت و فى الاول بنكون عايشين الاحلام الوردية و بنشوف التنازل ذاتو ليه و هنا بتجى المناكفة و المناقرة البيتودى الى الطلاق لا قدر الله ... لكن برضو بحلم لان التفاهم و الاتفاق بودينا الى الاستقرار و ده قبل ما ندخل بيتنا (عشان كدى انا بحكها معهو كتير ) انت بتعمل شنو ... الواجب المنزلى ح تساهم فيهو .. و صراحة هو بقول بنظف .. و اساعد فى المطبخ (يخت الاكل فى الصفرة و يعمل الشايات بس)... اكوى .. اجيب الاحتباجات من القالة .. عشان المفاجات و انت كان مفروض تعملى !!!!!! البنسمعها كتيييير وده ما واجبك... الدوامة
و بجيك تانى