[بابكر مخير]

المشاركة الأصلية كتبت بواسطة Hassan Farah

ذكرت في كتابك أنك لم تبكِ
لكن وجدت نفسي أجهش بالبكاء
بكائي بحرقةٍ
فبكيت بكاءً شديداً , وصحوت مباشرةً بعد ذلك لأجد أن المخدة قد أبتلت بدموعي و الدموع مازالت في عيني .

الحبيب إبن الخال

ذي ما بيقولو او كما يقال
البكاء خشم بيوت

في بكاء في حق قريب أو صديق أو عزيز
في بكاء حرقة جفا
وفي بكاء بسبب غبن

في رجال ما بدمعو لكن بيبكو في دواخلهم لمن العبرة تسد حلقهم
وفي رجال الدمعة بتطفر من عينهم وتلقى أساريهم منفرجة
في رجال ما بيعرفو البكاء ما عشان قلبوهم حجر، لكن بيدسوهو عشان يؤكدو رجولتهم

أنا بكيت من الحزن ومن الغبن ومن حرقة الجفا
ذي ما بكيت كتير من الفرح، من الشوق ومن حلاوة اللقاء

تعال نبكي الحبيب على بلدن روحو وباعو لمن الكلاب خانو
زلو، هانو، فجعو
دحن دا ما بكي حتى الحجر
لك
لشوقي
لزاهر
المحبة وكمية مناديل