اقتباس:
المشاركة الأصلية كتبت بواسطة بابكر عباس
تحياتي يا أبا سوار
شنو الأصلح للسودان في الوقت الحالي:
إستمرار البشير، أم قيام ثورة شعبية تؤدي إلى تحول ديمقراطي؟
حياك الله بابكر
تعرف عندي قريبي (الحمودي ) واحد مجينين وما عندو فرامل ..
وبعدين امّو زوجتو قريبتها عشان يكون زيتها في بيتها ..
وبعد فترة صاحبنا طلق المرة ..
وتعال شوف الجقلبة وامو تكورك..
فضحتنا في البلد وشلت حالنا ..
تقوم تطلق بت الناس الصلاية الصوامة ..!!!
قام زولك قاليها عشان صلاتها الكتيري دي انا طلقتها ..
يا والدة .. في مرة تستغفر لي راجلها في اضانو بدل ما (...)
وقطعا الحمودي كان بيعاني وصلبيو طالع ..
دحين الديموقراطية دي زي زوجة الحمودي قريبي ده ..
كويسة وفيها المدينة الفاضلة وفيها حقوق الناس والحريات ..
ولكن الحمودي مات واللاّ حي..!!