عرض مشاركة واحدة
قديم 12-03-2011, 10:42 PM   #[6]
أسعد
:: كــاتب نشــط::
 
افتراضي

سمورة يا قلب ياخ
عليك النبي هاكي شوفي صوفية خدر بشير في أغنية (لغة الهوى)
التجكيس بين الحبيب والمحبوب تتم عبر الماورائيات وكدة
هنا لا في كلام بالخشم ولا لغة إشارة ولا يحزنون
إنما كانت هناك محادثة بالخواطر ولكن باستخدام لغتين مختلفتين
أتخيلي اتنين يتكلموا بلغتين مختلفتين ، لغة الهوى للعاشق ولغة العيون للمعشوق
دا موش شغل الصوفي الذي اخترق البعد الرابع

http://www.sudanyat.org/upload/uploads/alhawa.mp3

خاطبتو بي لغة الهــوي فاجابني بي لغة العيون
في مرة كنا انا وهـو في روض جميل ثمره استوي
وريته مابي من شجون ومن عطفه اظهر لي شجون
ما دمنا نحن علي الهواء يا حبيبي متعاهدين سوا
قلت ليه قلبي الليك غوي في حبو ما ضل وغوي
وحياة جمالك يا مصون
حلي وانقسم ولي ابتسم وزاني تحت الغيم سنا وكشف عن العناب جنا
قال لي ما معني القسم بي جمالي في شعرك هنا قتليه يا سمح القسم
كيف ما افاخر بيك انا وانت اللي اوحيت لي غناء
في قلبي شخصك اترسم
واعلم يقين انا في غني عن حب سواك وعلي هواك
حتي المنون
قال لي صحيح قلبك جريح وهواك صريح
شعرك رفيع في مستوي
لحنه البديع يطوي الجوي
كم اطفا للظمان روي بل احيا اموات الهوي
قلت ليه برضك لي ظلوم كيف ما غرامي عليك يدوم
وانا فكري عندك كل يوم
يستوحي من حسنك علوم قال لي خلاص يا خوي نقوم
ودعني بي لغة العيون ودعتو بي قلبي الحنون




التعديل الأخير تم بواسطة أسعد ; 13-03-2011 الساعة 09:14 PM.
أسعد غير متصل   رد مع اقتباس