عرض مشاركة واحدة
قديم 10-03-2010, 08:54 AM   #[14]
هيفاء عبدالستار
:: كــاتب نشــط::
الصورة الرمزية هيفاء عبدالستار
 
افتراضي

اقتباس:
المشاركة الأصلية كتبت بواسطة هيفاء عبدالستار مشاهدة المشاركة
نجي لكلمات الاغاني..
نقول مثلا (اللول لالك يالعروس والعريس بشمالك يالعروس)ودي فيها (نسف) بالجيهة الشمال..
ندخل في الغريق بقى ..
اولا مع نهاية اغنيات متفق عليها مع الغناية وبنات العروس وديل حنرجع ليهم بعدين لانهن حيساعدونا في (القيد حرن)...مع نهاية الاغنية بتقع العروس في البرش..
وطبعا عريسنا بتكون وقعت ليهو في جرح ..(وهي لسة مغمدة وديل بنات زمان)..
.......بنات العروس ......(بص شوف عروسنا بتعمل كيف)....وبتقوم بي اغنية...
شيلا شيلا عليك الله شيلا ..شيلا شيلا خفيفه ما تقيله.. شيلا شيلا مظله ما زخيرة...
(اها كيف ليكم نواصل ..؟)
اها هنا تبدأالطقوس قالوا ليهو شيلا ..حيشيل من وين وكيف ؟؟وهي تتدلل هو يخم وهي تنكشح منو ..لمن بعد تلتلة يتلموا هم الاتنين..وتتوالى الاغنيات والخم والانكشاح ...
الاغنية البعدا (شوفني كيف بغتس وبغتس..شوفني كيف بقلع وبقلع ..(اعتقد هنا الحركة ظاهرة ما عايزة شرح)...........
انا بساوى الموج..الموج الموج يا خلاس روحى ...(الحركة هنا عبارة عن رعشة في كل الجسم مع تثبيت الراس والرجلين ..)املا إيدك موية وبيها اكشحني..)وتاني تنكشح العروس ويبدا العريس في الخم وهكذا..وطبعا الاكسسوار ليهو اثر كبير في الاثارة ..حجول في الرجلين وبلوم في الضراع..ولبة وسوميتة وخرز وفرج الله وعقود و..و..في السدر ..(دقي حجلك وهزي الكتف )..وهنا الكشكوش والتحت الكشكوش كلو بترهز ولكم ان تتصوروا المنظرين ..



التوقيع: [frame="7 80"][align=center]إني مهرتك خافقي
فافرد ذراعيك احتويني[/align]

[align=left]هيفاء[/align]
[/frame]
هيفاء عبدالستار غير متصل   رد مع اقتباس