عرض مشاركة واحدة
قديم 12-03-2011, 10:20 PM   #[4]
أسعد
:: كــاتب نشــط::
 
افتراضي

ود عثمان يا فنان ياخ ما تسيبو الجربندية الزينا يتشعلقو في حاجة ما حقتهم فتذهب الحاجة هباء منثورا
عشان كدة استلم مننا البوست دا ياخ
كدي فتش معانا في صوفية خدر بشير حتى في غنائه
في أغنيته (ساهر طرفي) تتجلى صوفية خدر بشير
فظاهرها التغزل في المخلوق
وجوهرها التأمل في قدرة الخالق

ساهر طرفي ما نمت و من يوم شفتك اعلنت
باني اسير سلمت بمن سواك آمنت
آمنت بأن المبدع الفنان ابدع فيك من فنو
أمعن في تفانينو
في أحسن صوره سواك وخلقك حتة في حتة
الحور الحسان سمعو بي جمالك جاتنا تستفتى
شافت حسنك وجمالك قالت للخالق احسنت
في صنعك أبدعت في فنك أمعنت في فنونك
وقادر انت ومخير بتخلق وتفعل مثلما ما شئت
جمالك حير الأفكار سطع نور عمي الأبصار
تدور في فلكك الأقمار مثالك اصلي ماشفته
بس وريني ايه انت
أرحم طرفي جافا النوم انا الفي حبك اسرفت
عفا جسمي المنام حائر الليل كلو ساهرت
حسبت نجومو بالحتة راجع خيالك ما جاني
وصفتك نجومك أخفقت
انسان ولا من الحور وجيت من الجنان فلته
قابلت الأسود في الغاب ابدا ما تراجعت
وكم فرسان خيول وزحام فوق لي ركابن ما وقعت
لكن بعد ما شفتك بثواني سيوف لحظيك طعنتني
هواك صرعني ورماني هزمني وصدع اركاني
والأعجب كمان خفته



التعديل الأخير تم بواسطة أسعد ; 13-03-2011 الساعة 09:13 PM.
أسعد غير متصل   رد مع اقتباس