الموضوع
:
يا أخي الكُبر دآ حاجة ثقيلة بشكل
عرض مشاركة واحدة
13-04-2016, 09:43 AM
#[
45
]
بابكر مخير
:: كــاتب نشــط::
أمس
شرفني العميد قاسم بدري هنانا
هو شيخ وشاخ
وأنا شختا وشيختا
وبين الإتنين
أشوف في شخصه
ذكريات أيام كنا نركب مع جدي بابكر ونزور السرايات ونشوف كبار الشخصيات ومن بعد مع خال يوسف وزياراتنا معه للجي بي ..
في طفولتنا أتذكر مرة مشينا السينما وبإصرار منه،،،
قلتا ليهو: بدقوني لو مشيت
قال: دقآ تفوت ولا حدي يموت..
وأنا الطيب المسكين الساذج، ذي السخلة المبارية الخيل "مع ىأني أكبر بعشرين يوم واليوم ينطح التاني" مشيت معاهو...
بالله تاني يوم، ما الليلة دي رجعت وقدرت أتخفى وما شافوني...
كيف وصل الخبر، الله أعلم..
في الصباااااااااااااااح أشوف قاسم أخوي،، الله يرحمه (بحبه والله أكتر من نفسي) ذي طرزان متسلق شجرة النيمة "وافرة الظلال وكريمة العطاء من ناحية أفرع طرية وعرجونة وأيضا متماسكة الألياف" إستنضف ليهو فرع ما كان عآدي، كان سميك في طرف وكأنه يشكل مقبض وماخد في النحافة حتى نهايته وكأنها لسان سحلية....
والعيون ماتشوف لا نور ولا ضلمة،، شئ بين الحياة والموت...
لمن لاقيت قاسم بدري تاني مرة
قال ليا:
شوفتا الدقة فاتت وإتا ما مت....
ويييييييييييييييييين
والله حسي
الواحد من السلام يفتر ومن المقالدة ينهار
ولي آي شئ فوق ذلك؟؟
بنتجبه....
ملعون أبو الكُبر
التوقيع:
بابكر مخير
مشاهدة ملفه الشخصي
إرسال رسالة خاصة إلى بابكر مخير
زيارة موقع بابكر مخير المفضل
البحث عن المشاركات التي كتبها بابكر مخير