[لنا جعفر]

المشاركة الأصلية كتبت بواسطة أمين محمد سليمان

الكلام ده تقولي لزول ما عندو صلعة !!
الحقارة دي حدها وين ؟!!
ياخي أول مداخلة كتبتها ... مشيت و جيت بعد عشرة دقائق لقيت بكة كاتب لي رد تحرش عديل كده !!
بالنسبة لل new look ... ما عندي سكة new look غير زراعة شعر ...شدو حيلكم شوية و ادوني من قروش افطار الطلاب ازرع بيها شعر والله لا يضيع أجر من أحسن عملا !!

يابروف الصلعة دي عادي يعني ما ميزة
انا برضو عندي واحدة جاتني من تامل الشعب السوداني
بكة؟؟؟ تعال النحكي ليك يللا...
مرة غبتا عن سودانيات يابروف ولمن جيت
مهند فتح بوست ترحيب بي والجماهير تقاطرت
للترحيب بالعبد الضعيف لرحمة مولاهو
....اها قووووم يابكة اكتب الاتي :
مافي داعي لي وجود لنا جعفر وآمال
مافي داعي قال للبذخ ده
وختمها بي
أللهم اجعلني محبوباً مثل لنا جعفر

غايتو لولا تصدي قيقا وبقية
رهط الرابطة العصماء (واخد بالك من عصماء دي ؟)
كان خاطري الرقيق انكسر
ويجيك شكسبير مطرزن يقول ليك
الذاكرة الجماهيرية ضعيفة...
يللا خذلت ليك شكسبير خذلة السنين
وما نسيت...
أها بكة ده بيعبر عن مشاعرو كده
عموماً لو ح تبكس الزول ده فأعتبرني لائذة بحرمك
ومتعلقة بي استارك الكريمة
-----
* تبكس جاية من البوكسينغ
-----
انت لو حاسس بي اي تمييز فحقك اخدتو يابروف
الدور والباقي علي انا دي مهيضة الجناح