[align=center]قصتنا
كلمااات حسين بااازرعة[/align]
[align=center]بالمعزة .. بالمودة البينا
بي أغلى الصلات
بالهوى العشناه بي أعصابنا
خمس سنين ومات
بالعذاب الشفته والسر الكتمته
معاك وبي أغلى الطيبات
أستحلفك أترك سبيلي وسيبني
وحدي أقاسي مر الذكريات
*****
أنا بي حناني اللغالي خصيتك وحبيتك
بكل جوارحي وعواطفي العميقة
وأنا شلت من أجلك هموم الدنيا
قاسيت من جراحه وكل ضيقة
ولي سعادتك إنت كم ضحيت
واتغربت ما خليت طريقة
وفي مسيري المضني من أجل الحقيقة
******
كل طائر مرتحل عبر البحر
قاصد الأهل حملتو أشواقي الدفينة
ليك يا حبيب لي الوطن
لي ترابه لشآنه للدار الوريقة
لكن حنانك لي أوحتى مشاعرك نحوي
ما كانت حقيقة
وما بيدي لو ضباب الغيرة أعماني
وزيف لي الحقيقة
*****
وإنت نبع حناني
إنت كياني
وأخيلتي الطليقة
إنت الدنيا بهجتها وشروقه
إن حصل زلت خطاي معاك
أو ضلت طريقة
هل تصدق تنتهي قصتنا يا أجمل حقيقة
ونحن عشناها بدموعنا
وبالضنى في كل دقيقة
يا حبيبي لم تزل قصتنا
قصة حب أقوى من الحقيقة
[/align]
[glint]
[align=center]الرجاء ايقااف الاغنية فى اعلى الصفحة و الضغط للاستماع لهذه الاغنية[/align][/glint]
[align=center][rams]http://andorra.indymedia.org/uploads/2006/07/gustnaa5.wma[/rams][/align]
[align=center]لينك الحفظ[/align]