[Dr. Mohammed Hassan]

بسم الله الرحمن الرحيم

المشاركة الأصلية كتبت بواسطة عبير خيري

.

[frame="9 80"][align=center]مليان حزن



مـ النيل خلاص

لافاك وهاجر للبعيد

وأنا من بعيد

شايل دميعاتك حُلُم

شايل دميعاتك لبن

زاد الطريق

يا شِعبة الوطن الحديد

لمتين حروفك ساكتة خوف

لمتين خريفك داسي مطرو

*******



داير أشكي ليك

هجرة وليداتنا الخريف

جارين ورا النيل الأمان

شايلين دفاترهم إنملت

رصاص عساكر وبن وبان

حتى شارعنا الزمان

أصبح دموم

نسمة الفرح المعتقة بالصباح

صِبحت سَموم

وحدة السجم الرماد

قسمتنا لألف كوم

وكُلُّ كوم شايل جراحاتك نزيف

حاضن جراحاتك تئن

مـ النيل خلاص

لافاك وهاجر للبعيد

وإنزويت ..

لملمت فيك أعياد زمن

ذكرى محمود .. كم ركن

لملمت فيك ..

أمونة .. مصطفى .. ود أمين

الشالو فات بيهو الحزن .



عبير خيري[/align]

[/frame]

والنيل حكايات السكارى
والمطاليق الحيارى
موجة موجة
وضفة ضفة
وناس تباري ورا القطارة
شاحد موية
وشاحدة كسرة
شاحدة نظرة اعتبار
لو مرة يديهم زيارة
كان رئيس
او وزير
او غفير
او حتى تيس
بس يخت ساس للعمارة
للمدارس
والمشافي
للزراعة
والبهايم الماها دارة

عبير الخير
معاك
نفتش للسبب