سودانيات .. تواصل ومحبة - عرض مشاركة واحدة - % جانوار ؛ تسرى منزل ؛ غرام فى طوكيو ؛ سنجام ~!×!~ أفلام و أحلام الستينات .!.

بندر شاه · 21-04-2007, 05:56 PM

اقتباس:

المشاركة الأصلية كتبت بواسطة رأفت ميلاد

والله يا باشمهندس عملتو لينا نفسيات

قلنا نتجدع فى بوست الشملة والدخان بابكر المخير قعدنا فى الواطة
زغنا من بوست غرام منتصف العمر
قلنا نعزى فى الجد شعبان الجمااعة قالوا إتزكروا طفولتم ونحنا إتزكرنا أبو تركترين
جايب لينا جانوار

أها أنا ما حضرتهم وما سمعت بيهم
جاييك ود الجاج دفعتك

والله كل ما أشوف صورتو أتزكر لى زول لاقيتو فى الرفيرا

شغل جميل وشوق عمر

تحياتى

&
الحبيب رأفت ، شكراً
معقول ما شفت و لا سمعت بالأفلام دى ... مابصدق !!!
جانوار ؛ سانجام ، تسرى منزل ؛ من أجل أبنائى .. حرام عليك ياخ ... مافى سينما فى السودان ماشغلتهم بالشهور ذى فلم عنتر و عبله المثله سراج منير فى دور عنتر و كان أبيض و أسود .. وطبعا فريد شوقى مثل دور عنتر فى النسخه الحديثه الملونه ...
نص عمرك ضائع ...

وكمان عملت ود الحاج دفعتى ، بالغت ... شن بجيب البوكسى للكومر ...

تكون لاقيتنى أنا فى الريفيرا أصلنا بنتشابه ... و أخوك كان بحب الريفيرا و الكريزى هورس بتاع المقرن و و أتنى و كوبا كوبانا و سنت جيمس و و الجى ام اتش و طبعاً حديقة البلديه و كازينو النيل الأزرق فى بحرى ... و أبو بت و أبو خمسه نجوم و قمرنا و أبو جمل فى كافتيريا النيل الأزرق و طبعاً أخيراً المؤسسه قبل التحريم و رميهم فى النيل لحدى ما طلعوا التمساح وقالوا التمساح جنَّ ( الما بجننوا شنو و النعمه جاتوا مدفقه فى نيله مستورد و محلى .. دين جونى ووكر و الكورفوازير ) ... محروق زفت النميرى و الترابى كمان ...

تكرم

@&@