عرض مشاركة واحدة
قديم 24-12-2007, 05:07 AM   #[35]
فيصل سعد
:: كــاتب نشــط::
الصورة الرمزية فيصل سعد
 
افتراضي

[align=center]جمة حشا المغبون

يا جمة حشا المغبون في الزمن الهلاك منجا
تكون حانت مواعيدك يكون وقت المطر قد جا
شرق ضو البلد عيدك وطابت نسمتو العرجا
نكون يا طيبة تمينا وبدينا ولفنا غنينا الغنا الراجا
وبدت كاس المودة تلف عشق من حلفا لي راجا
حبابك ألف حبابك ألف إيه يا عنزنا القرجا
يا لـبّانة في الزمن المراحو نشف
يا جـبّانة للخوانة للعوج البدور ويلف
دميرتنا البتروي جرف
ضفيرتنا وتعرش بيتنا تميراتنا اللي كانو وقف
أصابعين الرجال رصاص شعر راس البنية سقف
أصابعين الرجال رصاص عضم ضهر القضية سقف
تكون دارة الزمن عمرت
نكون لمينا في الفاتو
وتكون فاقت ملامحنا وتضاريسنا القبيل غمرت
دغش ساقت بوابيرنا وندت شتلات بعد ضمرت
ضراعيك يا الولد كبرت مراعيك يا البلد كترت
خدار خدرت
غزار غزرت
نضاراً زين
برغم الصيف وصناتو
وسموم البين وأناتو
عصافير الجلد قدرت تباصر غيمة منتحرة
تضاير نسمة مندحرة
تضاير الغابة والصحرا
من الغمة وضلاماً شين

ومنك يا دقين ننفك تكون فكت عقدة الدين
عقب سيرة البلد سارت على الدرب العديل والزين
بعد ها الحال بلا مرسال يجو العمال
يجو الزراع يجو الكداح
يجو الناس البخبرو شليل وشقيش راح
وقمريتين جناحن دلّ فوق الصاح
من الغفلة وعساكر الليل
ولي الدنيا الجديدة جناح
صباح نندلّ شدة حيل بلدنا وما بنقيف بين بين
فيا خيالة عدو الخيل ولي الطيبة البتملى العين
يا هسع دية .يا بكرانا
يا ماضينا يا بعدين
نكون كنا وبقينا متين
وكيف تكدح مواعيدك
مواعيدنا ونساورك وين
[/align]



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل