[رهف]

[align=center]بالمعزة..بالمودة البينا.. بى أغلى الصلات

بالهوى العشناهو.. باعصابنا خمسة سنين.. و مااااات..

بالعذاب الشفتو..و السر الكتمتو.. و مات

و باقى الطيبات..

أفتحلى باب الدروب سبيلى..و سيبنى لوحدى

أقاسى.. و أبكى مر الذكريات

انا بى حنااااانى الغالى.. خصيتك

و حبيتك..بكل جوارحى..و عواطفى العميقة

انا شلت من أجلك هموم الدنيا

قاسيت جراحها.. و بكل طيبة

لسعادتك انت ..كم ضحيت و اتغربت ..ما خليت طريقة

فى مسيرى المضنى ..من اجل الحقيقة..

كل طائر مرتحل ..عبر البحر قاصد ..الاهل حملتو اشواقى الدفيقة

ليك يا حبيبى.. للوطن لترابه.. للجنة الوريقة

لكن حنانك لى.. او حتى مشاعرك نحوى ما كانت حقيقة

كانت وهم !!!!

كانت دموع ..مسفوحة بى أحرف انيقة..

و ما بايدى..

لو ضباب الغيرة اعمانى..و زيفلى الحقيقة

انت نبع حنانى..

انت كيانى..

انت الدنيا.. بهجتها و شروقها..

و ان حصل ذلت خطاااااى معاك

او ضلت طريقها..

هل تصدق تنتهى قصتنا.. يا أجمل حقيقة

نحن عشناها بدموعنا..و بالضنى فى كل دقيقة

لم تزل قصتنا..قصة حب أقوى من الحقيقة[/align]