[حافظ حسين]

المشاركة الأصلية كتبت بواسطة خالد الحاج

ياحافظ سلام
صدقني لا أرمي الكلام علي عواهنه . والغرب نحن أهل مكة أدري بشعابه .
أرجو منك نظرة أخري لقائمة المرشحين التي تفضلت بها وأن لا تكتفي بالاطلاع علي الأسماء ، اقرأ محتوي الملخصات .
أنظر ، وأعد النظر كرتين وستفهم حينها أن هذه الترشيحات لا تتم هكذا ضربة لازب وأن هؤلاء القوم من لم ينظر إليهم بنظرية المؤامرة فهو غافل "حاشاك يا صاحب"
لست من المتطرفين دينيا ، بل أعتبر اسلامي رقيقا ، أسأل الله المغفرة .
لكني أقرأ ما بين الحروف وأعيش بصورة يومية في مكينة الإعلام الغربية لذا تجدني أتحدث عنها بحذر .
عيان حرسي حملوها "حملا تقيلا" وهي لا تدري ما هو للأسف .
أما سلمان رشدي فلن أجادلك في قراءتك له .. ربما تختلف رؤيتنا وهذا جائز . يظل رأي فيه أنه خالي الوفاض .

أبقي طيب يا صاحب

العزيز خالد أعلم انك ملم ببواطن أمور الغرب لكن برضو انا شوية زيارات و بفضل الأنترنت ملم بعض الشئ .... يعني الإنترنت بارك الله فيه بخليك تحضر محاضرة ايان هاريسي علي لايف ... و صدقني أبداً ما إتهمتك برمي الكلام علي عواهنه و لو فهمت من كلامي كدا سوري يا خي
و يا خالد و الله أعدت النظر كرتين و صدقني ما لقيت أي حاجة يعني كل الناس المصنفيين ديل الزول ما يملك الا يحترمهم حتي لو اختلف معاهم ... و بعدين بالجنبة كدا انا ما بقرأ بالأسماء ووقت أقرأ اي موضوع بحاول بقدر الإمكان انسي انو الكاتبه منو عشان ما أكون baise

تمام سلمان رشدي ببقي إختلاف وجهات نظر و أتفق معاك مية المية لكن انت عارف استفزتني أقوم أقرأ الراوية دي تاني

بجي راجع تاني
و شكراً