[مكي محمد الحسن]

المشاركة الأصلية كتبت بواسطة muntasir hassan

ياعاصم يااخوى اقعد ضبط فى الصور ولمع فى الصلع وكل مانسالك من صورتك الخائف عليها تقول كنت ماسك الكاميرا عرفنا تنزيل الصور مشكله كمان التصوير داير درس عصر يابستم بالله ماتنسى فى فطور رمضان صوره لعاصم وياحذا من الجو عشان تكون كونتوريه ظاهرت التضاريس اخونا محمد الطيب حمدلله على السلامه وكفاره غلب المريخ الجماعه شربونا بالمناسبه سالنا الزول وعاصم عن موضوع الصور مافهمونا كدى يااخوى اشرح لينا موضوع الكاكيت و العاصفير البصوصو دى بنقرو ليه شنو اوعه تقول لى قندول ولاقلوبيه يااسامه الكاشف ياخوى لى يومين بحاول افهم فى الصناديق الكثيره شى ماشايفنه وشى مافهمنوا نصيحتى ليك مدام بقت مابتعرف الفرق بين المدام والعوض اطلع من الموضوع خالص ورسل لعاصم المحيرنى الزول بقى شاطر فى الكمبيوتر كيف غايتو ياشربوه ليه مع كباية شاى ولادرسه مع الوست اخونا منير رمضان كريم وين اخبارك مقطوعه بالله ماتنسانا من صالح الدعوات اخونا ناس السدود كل سنه وانتم طيبين اخباركم مقطوعه طمنونا الكهرباء حاتستعدل متين سلامى للجميع

السلام عليكم يا صعايدة
رمضان كريم وتصوموا وتفطروا علي خير ان شاء الله

كدي يا د.منتصر ارفع طاقية اخونا عاصم شبارقة دي شوف تحتها شنو؟؟


شيخي كيشو

أخي العزيز ود الطيب
كل سنة وانت طيب
صورتي راحت عليكم، ومكي المسكين شرب من البحر، وقلنا ليه نحنا ناس أشراف وبركة لكنو ما صدق

طبعاً ليك حق تفرح لانو انا الغلطان صدقت و( عد الحر ) والذي هو دين عليه 3 مرات تخيل ...

الاخ منير العوض
سلامات يا رجل

عشان كده عرفت الجماعة تقعدو ليهم عشرين سنة

يعني لازم تدخل فيها سياسة ...كان قصدك حكومة ما يسمي بالمؤتمر الوطني دي حلال عليهم السودان طالما كانت الحياة السياسية في السودان مصالح ذاتية وطالما استكان لحكامة شعب بعد مزلة وهوان..بس يا حبيب ما تكتر من اغترابك الحق القسمة قبل ما الضرع ينشف وتقبلوا علي المجفف .. وهو بالله شيخي كيشو مؤتمر وطني ؟؟ يديك العافية.

الاخ محمد الطيب يا صديقي تعال بالاخبار والصور الاخري خلينا في الاجتماعيات اما اخبار السدود والمشروعات دي خليها للشغالين فيها ومن شدة انشغالهم يخلفون لك وعداً..

الاخ الزميل اسامة الكاشف
انت يا زميل بتقرأ سطر وتفط سطر ما قلنا ليك ..
في " الحتة " بتاعت نيو يورك وما جاورها من ميرلاند وكده ..
يوجد الزميل ( قرفة ) والاخ أسامة أبو شيبة
لو رجعت في هذا البوست كم صفحة للخلف في الصفحات الخمسينية سوف تجد
واحد اخونا ابو صلعة كدة اسمه أسامه ابو شيبة


التحية للاخ الدكتور الشقيق عصام كمتور ودعواتنا له بالتوفيق والسداد محاضراً واستاذاً جامعياً بكلية التربية بجامعة الخرطوم .