29-09-2009, 10:52 AM
|
#[19]
|
|
:: كــاتب نشــط::
|
اقتباس:
المشاركة الأصلية كتبت بواسطة فتحي مسعد حنفي
ياشوقي أولاد بوث ديو الأنا بعرفهم كانوا وندر لاعب الباسكت وكان قدامي بي سنة في كمبوني بعدو كان تشارلس ودا كان معاي في الفصل وآخرهم كان مايكل الملاكم..
فاطمة والصديق والشنقيطي ديل يطرشني ما سمعت بيهم رغم صداقتي بتشارلس وتعدد زياراتي له في بيتهم مع سلمون ميخائيل بخيت (قسيس) وأبدا لم نتطرق لحكاية الجماعة الذكرتهم ديل لكن دا طبعا ما معناه انو المعلومة غلط بس أكيد ليها تفسير....
|
الحبيب أبو حلب حاج فتحي
عمك بوس ديو كان عنده أولاد كتار كلهم رائعين . وكان رجلا شجاعا .
في يوم 19 نوفمبر 58 كان في ملكال وفي المساء في محلات أبسطولوا استفزه أحد الجلابة قائلا : العساكر مسكوا البلد يلا خلاص انتهيتوا .
فصاط بوس ديو شوارع ملكال بالعربية وأخلي كل الشوارع من الناس "الناس بقت تتجاري"
ولم يخل عبد الرجال صاحب القهوة الطريق بسرعة نسبة لضخامة جسمه فضربه العم بوس ديو بالرفرف وكسر رجله ، تدخل الحاكم العسكري وقتها محمد مصطفي الكمالي ونائبه أبودقن وسويت القضية وطيبوا خاطره ورجع في نفس الليلة إلي فنقاك بلده عبر السوباط وكان يقول لهم : عساكر ولا ما عساكر البلد دي حقتنا نحن .
صداقته مع الصديق والشنقيطي جعلته يطلق أسماءهم علي ابناءه وهذا أيضا مذكور في كتاب عبد الرحمن فرح (خريف الفرح) لأنه كان ملازما لبوس ديو فالاثنين كانا من سكان بري . وكانت لبوس ديو سيارة أمريكية كبيرة وهو أول من امتلك سيارة أمريكية كبيرة في الخرطوم .
روعة السودان يا فتحي بالرغم من أنك من بحري تلاقي عندك كمية ضخمة من الاصدقاء المشتركين مع آخرين وهذه روعة السودان قديما . تعرف كل الناس ويعرفك كل الناس .
وما عارف ليه الناس زمان كانوا حلويين ، وتلقي المدير والغفير أصدقاء .
التحية يا فتحي
شوقي
|
|
|
|