الموضوع: زهرة الغَرَق
عرض مشاركة واحدة
قديم 23-02-2011, 08:50 AM   #[2]
أسامة الكاشف
:: كــاتب نشــط::
الصورة الرمزية أسامة الكاشف
 
افتراضي

قريت النص
وانتظرت يا محسن مداخلة خالد
يحتفي بك كالعادة وبهذا البهاء الذي تنثره كيف ما شئت
وبعده يجوا الجيلي ود عباس ورهط المهوسين بالكلمة

أصلاً هي كانت في البدء على شكل كاف ونون وستكون في المنتهى على شكل كاف وألف ونون

ليه يا محسن الناس بغرقوا اتنين اتنين
عمي عمر التوم وزملائه في الجامعة جنب كماين أم سنط
أولاد صديقي عزالدين كوجاك جنب حبيب الله
وأولاد جاري في أركويت و...
حوريات البحر عندهم خيارات واسعة
لكن موت الخرمة فرادي
خرمة الخال كانت بحجم الوطن
خرمة لي السودان وخرمة لي أصحابو
وخرمة لي الأسافير
وشوقو تب ما اتبل
ترك فراغ بحجم هذه الدمعة التي طفرت من نصك البهي
وشاماتنا كلهن ركبن زهرة الغرق
خالد شاف السهم قبلنا
صنفوره كان فاتح
فليرقد في "سلام" متوسداً هذه المحبة التي أعاد إنتاجها من ذواتنا
وليبارك الله في جعفر وحباب وباقي ذريته

تسلم



أسامة الكاشف غير متصل   رد مع اقتباس