اقتباس:
المشاركة الأصلية كتبت بواسطة فتحي مسعد حنفي
أها هسة ياخ انت داير شنو..
حياة الانسان ياولدي بتبدا بي طفولة ثم شيطنة طفولة وبعدين مراهقة تليها صبينة ثم كهولة وبعدها باي باي..
سودانيات هسة في مرحلة مراهقة خللي الناس تستمتع بيها ياخ..
|
ما داير غير سلامتك و راحة بالك يا عم فتحي يا جميل
دايرين الناس تتفاعل مع بعض بي شكل إيجابي
الهدف من أي نقاش بكون هو طرح فكرة محددة و واضحة للتداول الموضوعي بين الناس مع الوضع في الإعتبار إنو الإختلاف أمر طبيعي و صحي
و لو مافي إختلاف النقاش بكون ما ليهو معني
المشكلة بتكون لمن الإختلاف يتحول لي خلاف
مقصدي من البوست يا عم فتحي هو النقطة دي بالذات
عايزين ننقل نقاشاتنا و تداخلاتنا من مربع الخلاف الما بضيف لينا بقدر ما بشيل مننا
لي مربع الإختلاف الذي هو من طبيعة الأشياء
فالإختلاف لا يفسد للود قضية
لكن الخلاف يفسد للود كل قضية
ودي و عميق إمتناني
