..... كُــــلّ التفاصيــــل علـــى البــــــال .....

قمر دورين · 16-02-2009, 09:11 AM

كل التفاصيل على البال....
وأحلى التفاصيل على البال....

على البال....

نور ونار...ليل ونهار..

حِل وترحال..حول الشمس ومع الكواكب وبين الأقمار.

أفراح وأحزان...أسماء وتاريخ...زمان ومكان.

هوىً وشجون...هياج وسكون....وفنون ثم فنون.

قمر دورين · 16-02-2009, 09:17 AM

على البال...

ملامح وسمات...
بسمات....ضحكات.....آهاات
همسات...وشوشات ...خطوات
نبع..فنهر...فبحر وفيض من كلمات

على البال...

رعشة شوق، شموخ نخيل وجريان نيل
شهد ودموع... وندىً مبللّ بحبر الألم ودمع القلم

صمت صاخب وصخب صامت
أنين الناي وبكاء الوتر
دويّ الرعد وانهمار المطر

قمر دورين · 16-02-2009, 09:21 AM

على البال...

حروف....
تبتعد وتقترب من الأسطر، تعلو وتهبط!
تتهادى مع هروب الأنفاس...
تستكين ثم... تستلقي على الصفحات

على البال...

محاسن سرّها تكحّل بالخجل
وصلاة جند الحب في محراب الغزل

_________

لم تنته التفاصيل بعد!!

وأظنّ بأنّ لدينا جميعاً الكثير لنقوله عن البال...

وما هو على البال...

تقديري لكم جميعاً

قمر دورين · 16-02-2009, 04:00 PM

[align=center]

[/align]

أشتر · 16-02-2009, 04:06 PM

اقتباس:

المشاركة الأصلية كتبت بواسطة قمر دورين

[align=center]

[/align]

أقبض ... مخدرات !!!!!!!
على البال !!!

قمر دورين · 16-02-2009, 04:28 PM

اقتباس:

المشاركة الأصلية كتبت بواسطة محمد أبوعاقلة

أقبض ... مخدرات !!!!!!!
على البال !!!

أضحك الله سنّك أخونا محمد أبو عاقلة !

ومش قلنا ليك ....ماااا تستعجل!

للصورة أبعاد أخرى!

لكن يبدو بأنّ كلٌ يغنّى على ليلاه....

طيب أنا ما حاتكلم عن الصورة خالص

وحاديك انت الفرصة..

. والسؤال موجه ليك ....

تفتكر شنو البيخلي التفكير يتخدّر ؟؟؟

ننتظر الإجابة....

تحيّاتي أخونا محمد أبو عاقلة

أشتر · 16-02-2009, 04:50 PM

اقتباس:

المشاركة الأصلية كتبت بواسطة قمر دورين

لكن يبدو بأنّ كلٌ يغنّى على ليلاه....

انا فقط !!!! أغني على ويلاه ...
يا استاذة كلامك الفوق دا قطع اخدر طلع معاك قبل شوية ...
وقد صادف (هواً)

في نفسي ...
لمَ لا ...
...
خدر التفكير لو فرضنا جينا في سكتك ...
غايتو حاليا مع النشاف دا ما شايف الا سرنجة خمسة سي سي ... أو آي بدائل أخرى غير الانعاش ...

وس وس
المرة دي مرقتي منها ... المرة الجايه لا !!!!

قمر دورين · 16-02-2009, 05:22 PM

اقتباس:

المشاركة الأصلية كتبت بواسطة محمد أبوعاقلة

انا فقط !!!! أغني على ويلاه ...
يا استاذة كلامك الفوق دا قطع اخدر طلع معاك قبل شوية ...
وقد صادف (هواً)

في نفسي ...
لمَ لا ...

اوكي...

إذاً اتفقنا بأنه كلٌ يغنّي على ليلاه!

بالمناسبة استاذ (فيصل سعد ) ذكر في احدى المداخلات بانو الوشوش الخضراء دي بتدوزن المداخلة وهو أقدم منّي هنا فأكيد في سرّ في الموضوع

.

اقتباس:

المشاركة الأصلية كتبت بواسطة محمد أبوعاقلة

خدر التفكير لو فرضنا جينا في سكتك ...
غايتو حاليا مع النشاف دا ما شايف الا سرنجة خمسة سي سي ... أو آي بدائل أخرى غير الانعاش ...

وس وس
المرة دي مرقتي منها ... المرة الجايه لا !!!!

غايتوا الكلام ده حسّيت بيه ذي الكلمات المتقاطعة أوفي حصّة عربي لما يقولوا أكمل الفراغ بما يناسب...

بالطبع الإنعاش أكثر فائدة

ودمتم سالمين !!!
_______
المرّة الجاية رفقاً بالقوارير

وبرضو ما تستعجل!

كل التقدير

قمر دورين · 17-02-2009, 07:54 AM

في يوم من الأيام كان الوالد يمارس أحد طقوسه اليوميه...قراءة كتاب...تدخين ( كدوس أو البايب) ...شرب فنجان من القهوة...وفي تلك اللحظة جال في خّلدي سؤالاً،...كنت قد حاورت مخيلتي وعقلي مسبقاً لكي أجيب عنه فكسبت أجر المشقّة والإجتهاد بإذن الله، لكنّي كنت على يقين بأنّي سأجد لديه الإجابة الوافيه والحاسمة.

ناديته بصوت منخفض حتى لا احرمه متعة التأمّل والتهجد في محرابه ودون أن اقطع عليه حبل السكينة والأفكار! (يا بابا!...يا بابا!) كنت لحظتها أترقب وأتبيّن (الخيط الأبيض من الخيط الأسود)...التفت الىّ ثم قال:- نعم! يا (.......) وناداني باسم محببّ الى نفسي.. وبادرني بابتسامة استقّرت صورتها في بؤبؤ العين فلا أظنها ستتغيّر باتساعه أو ضيقه ولن تحتاج الى نسخ أو طباعة مرة أخرى فقد أصبحت ذات لونية تزداد اصالة وثباتاً مع الزمن!...بادلته أيضاً بابتسامة ولا أبالغ إن قلت بان ملامحها ما زالت باقية الى يومنا هذا..كيف لا وقد ناداني بأحبّ الأسماء...واصلت:-عندي سؤال ممكن!!..ردّ عليّ:- عارفك عاوزة تقولي حاجة!...وفّر عليّ لحظتها عناء الإنتظار حتى بزوغ فجر اليوم التالي...والله يابابا سؤال صغيّر...بسمع الناس بيقولوا (الله يدينا طولة البال وراحة البال!)...

البال ده شنو؟؟؟؟

نواصل

قمر دورين · 17-02-2009, 08:05 AM

وضع ( الكدوس) والكتاب برفق على الطاولة ونظر نظرة عجيبة والإبتسامة ما زالت تعلو وجهه...نظرة على ما أظن جمع معها خبرات السنين فلكأنها مدّ البصر أو رجع معها الى الوراء سنين عددا! ثم حملني بين ذراعيه ومسح على راسي وقال:-
يا (........) البال ده (مدينة كبيرة) فيها بيوت كتيرة وناس ساكنة جوّه البيوت، ناس كبار وصغار بمختلف الملامح والصفات. ناس بتتقاسم معاكي رغيف الحياة وناس تشاركك الأحلام أو تملاك بالأوهام... وناس تمام أو بتاعين مشاكل وناس تختّي قدّامها علامات تعجب كتيرة أو استفهام..ناس تسعدك وناس تزعّلك وعليك بالصبر...و(إنما الأعمال بالنيّات).
ناس سافرت وتانية رحلت وناس غابوا وفيهم الإتغربوا !....ناس تقابليهم وتحسي معاهم بالإلفة...وناس تسألي نفسك ياربي شفتهم وين؟ أو يمكن تناسيتهم وتانية كلو كلو ما بتنسيهم....أمّا (جماعة محبتنا الما بنريد غيرهم ديل أكيد موجودين ومكانهم محفوظ)..توقفّت هنا وسألته سؤالاً كان يجمع بين البراءة والشقاوة...يابابا ناس محبّتنا ديل منو؟؟؟

...ردّ على ضاحكاً :- ما انت منّهم...

..وكانّه يقول بينه وبين نفسه الحمدلله (كفى الله المؤمنين القتال) ويبدو والله أعلم اني قد اكتفيت بتلك الإجابة ولم أزد.

...

قمر دورين · 17-02-2009, 08:10 AM

يكمل الوالد حديثه قائلاً....

المدينة دي فيها (طرق) كتيرة طويلة وقصيرة ممهدة ووعرة...طرق اتجاه واحد وتانية متفرعة توديك لي أماكن تانية المهم انك تقرري( ياتو طريق الصاح والمفروض تمشيه)...وفي الطرق دي حتقابلي برضو ناس تانية...وحتلاقيك اشارات مرور كتيرة (حمراء) تقيفي فيها و(صفراء) تحذيرية او بمعنى خليكي مستعدة وكمان (خضراء) تمشي بعدها والطريق سالك.....

واحتمال يصادفك (طريق مقفول) وتضطري ترجعي ما تيأسي واصلي...وغير كده مرات بكون في (زحمة ) تجبرك تقيفي من غير اشارة حمراء...ثم (يجعل الله بعد عسر يسرا) وتنفرج الزحمة وتاني تمشي لكن ممكن تكونى تعبتي من المشي ودايره تستريحي ..
لكن وين؟؟؟ هنا السؤال !! تمشي شاطئ...جزيرة...تسافري....حلول كتيرة....المهم انك تختاري (الخيار الصاح في الزمن الصاح!)..
في المدينة دي حتلقى روحك عبرت من بيت لي بيت ومن ناس لي ناس ومن طريق لي طريق وانت في النهاية اسمك ( عابر سبيل).

لك انحنى احتراماً وإجلالاً يا والدي كلمات شرحتها لي يوماً بأبسط ما يكون لكنّ مفعولها في الحياة كان أكبر ما يكون.

ولكم أنتم كل التقدير

فيصل سعد · 17-02-2009, 08:37 AM

اقتباس:

المشاركة الأصلية كتبت بواسطة قمر دورين

بالمناسبة استاذ (فيصل سعد ) ذكر في احدى المداخلات بانو الوشوش الخضراء دي بتدوزن المداخلة وهو أقدم منّي هنا فأكيد في سرّ في الموضوع

_______
المرّة الجاية رفقاً بالقوارير

وبرضو ما تستعجل!

كل التقدير

يا بت عمك ما قلنا استاذ دي نجليها و كدا
اما موضوع الوشوش الخدر فلا نخفي عليك بان لها
سرا و سبرا لدرجة، ان استاذنا هاشم طه نائب امينا العام، قد
نجر و اقتبس منها "اميرة الاخضرار" رغم ان وضيئنا
عادل عسوم ليس في تمام الرضا و لا تجد عنده القدر
الكافي من الاعجاب و كدا و ربما محرقة روحو
لكننا لن نجعلها له سببا و ذريعة في عصلجة "لمة الشرقية" و ما
يصاحبها من سيرة المريديان و الشيراتون و هكذا
استارات و كلاسات و حندكة بوفيهات مفتوحة و مباصرة
ساوند سيستم و اورغن و ما توفر من الترزية ..

الخلاصة في موضوع الوشوش الخدر دي
ان سرها في اكتشافها ذاتيا، دون مساعدة البوكش ابو عاقلة
"مغنطيس مودة المنبر" و محاولة التدويش و التشتيت و الملاوزة
الاسفيرية الحميمة، و التحية لك و له و لكل القادمين الى راكوبتكم الظليلة
المعروشة بكامل الهترشة و التداعيات و الذكريات ..

ارقدوا عافية ..

wadosman · 17-02-2009, 08:47 AM

[align=center]و عوض احمد خليفة كان لا يملك كل التفاصيل
فلقد كان باله مشغولا تاركا كل التفااصيل لود الحاوى و العندليب الاسمر...[/align]

[align=center]

[rams]http://www.herosh.com/up/73952/944882695.wma[/rams]

[/align]

قمر دورين · 17-02-2009, 09:23 AM

اقتباس:

المشاركة الأصلية كتبت بواسطة فيصل سعد

يا بت عمك ما قلنا استاذ دي نجليها و كدا
اما موضوع الوشوش الخدر فلا نخفي عليك بان لها
سرا و سبرا لدرجة، ان استاذنا هاشم طه نائب امينا العام، قد
نجر و اقتبس منها "اميرة الاخضرار" رغم ان وضيئنا
عادل عسوم ليس في تمام الرضا و لا تجد عنده القدر
الكافي من الاعجاب و كدا و ربما محرقة روحو
لكننا لن نجعلها له سببا و ذريعة في عصلجة "لمة الشرقية" و ما
يصاحبها من سيرة المريديان و الشيراتون و هكذا
استارات و كلاسات و حندكة بوفيهات مفتوحة و مباصرة
ساوند سيستم و اورغن و ما توفر من الترزية .. ..

يسعد صباحك...
نجي حتة حتة للمداخلة....
أولاً ولا تزعل موضوع استاذ دي بنديك ليه عدة خيارات..
استاذ - أخ - أبو فلان/ة وممكن نناديك زي ود عثمان .

( الوشوش الخضراء هنا أيضاً لدوزنة المداخلة )
بعدين احنا زمان قلنا الما بحب المقدمة دي يغمض عيونو ويفطّها ويقرا ما بعدها هو المهم...

نجي لي قصة الوشوش الخضراء...
للأستاذ (هاشم طه) كل التقدير والإحترام وبالجد لو الوشوش الصغيرة الأنا شايفاها دي

عمل منها تلك الكتابة الراقية فسبحان الله الذي يحيّ العظام وهي رميم....

وإن كنت أشكّ بان ما كتب كان في هذه الوشوش الخضراء فلقد كانت العبارت تبثّ بثاً حياً من داخل الروح....

أما ألاخ (عادل عسوم) فلا نملك الاّ ندعو له بأن تنقشع الغيوم ويُجمع شملهم ببركة الحي القيوم.

اقتباس:

المشاركة الأصلية كتبت بواسطة فيصل سعد

الخلاصة في موضوع الوشوش الخدر دي
ان سرها في اكتشافها ذاتيا، دون مساعدة البوكش ابو عاقلة
"مغنطيس مودة المنبر" و محاولة التدويش و التشتيت و الملاوزة
الاسفيرية الحميمة،

غايتوا بعد كلامك ده...
يا دوب فهمت ليه بيخت لينا أخونا (محمد أبو عاقلة) أكمل الفراغ وكلمات متقاطعة وبيمشي

لك ولهم جميعاً أجمل التحايا.

قمر دورين · 17-02-2009, 10:08 AM

[quote]

اقتباس:

المشاركة الأصلية كتبت بواسطة wadosman

[align=center]و عوض احمد خليفة كان لا يملك كل التفاصيل
فلقد كان باله مشغولا تاركا كل التفااصيل لود الحاوى و العندليب الاسمر...[/align]

ود عثمان يسعد صباحك....
طيب الشاعر عوض أحمد خليفة عرفناه باله كان مشغول وكل التفاصيل مشت لود الحاوي والفنان زيدان ابراهيم الذي جمّل وجداننا باعماله الرومانسية....لكن المستمعين ديل كان الله في عونهم مع العندليب الأسمر...كدي بس لاحظ معاي الأغاني الغنّاها دي...وسط الزهور، فراش القاش، غرام الروح، باب الريدة، اخونك، تتبدل، قصر الشوق، بالي مشغول، معذرة، ولمن يصل الزول لي اغنية ( في الليلة ديك ) يكون دخلوهو الإنعاش ...لا حول ولا قوة الا بالله

والتحيّة لكل ناس امدرمان

شكراً للأغنية الجميلة.

16-02-2009, 09:11 AM	#[1]
قمر دورين :: كــاتب نشــط::	..... كُــــلّ التفاصيــــل علـــى البــــــال ..... كل التفاصيل على البال.... وأحلى التفاصيل على البال.... على البال.... نور ونار...ليل ونهار.. حِل وترحال..حول الشمس ومع الكواكب وبين الأقمار. أفراح وأحزان...أسماء وتاريخ...زمان ومكان. هوىً وشجون...هياج وسكون....وفنون ثم فنون.
قمر دورين :: كــاتب نشــط::

16-02-2009, 09:17 AM	#[2]
قمر دورين :: كــاتب نشــط::	على البال... ملامح وسمات... بسمات....ضحكات.....آهاات همسات...وشوشات ...خطوات نبع..فنهر...فبحر وفيض من كلمات على البال... رعشة شوق، شموخ نخيل وجريان نيل شهد ودموع... وندىً مبللّ بحبر الألم ودمع القلم صمت صاخب وصخب صامت أنين الناي وبكاء الوتر دويّ الرعد وانهمار المطر
قمر دورين :: كــاتب نشــط::

16-02-2009, 09:21 AM	#[3]
قمر دورين :: كــاتب نشــط::	على البال... حروف.... تبتعد وتقترب من الأسطر، تعلو وتهبط! تتهادى مع هروب الأنفاس... تستكين ثم... تستلقي على الصفحات على البال... محاسن سرّها تكحّل بالخجل وصلاة جند الحب في محراب الغزل _________ لم تنته التفاصيل بعد!! وأظنّ بأنّ لدينا جميعاً الكثير لنقوله عن البال... وما هو على البال... تقديري لكم جميعاً التعديل الأخير تم بواسطة قمر دورين ; 16-02-2009 الساعة 03:42 PM.
قمر دورين :: كــاتب نشــط::

16-02-2009, 04:00 PM	#[4]
قمر دورين :: كــاتب نشــط::	[align=center][/align]
قمر دورين :: كــاتب نشــط::

17-02-2009, 07:54 AM	#[9]
قمر دورين :: كــاتب نشــط::	في يوم من الأيام كان الوالد يمارس أحد طقوسه اليوميه...قراءة كتاب...تدخين ( كدوس أو البايب) ...شرب فنجان من القهوة...وفي تلك اللحظة جال في خّلدي سؤالاً،...كنت قد حاورت مخيلتي وعقلي مسبقاً لكي أجيب عنه فكسبت أجر المشقّة والإجتهاد بإذن الله، لكنّي كنت على يقين بأنّي سأجد لديه الإجابة الوافيه والحاسمة. ناديته بصوت منخفض حتى لا احرمه متعة التأمّل والتهجد في محرابه ودون أن اقطع عليه حبل السكينة والأفكار! (يا بابا!...يا بابا!) كنت لحظتها أترقب وأتبيّن (الخيط الأبيض من الخيط الأسود)...التفت الىّ ثم قال:- نعم! يا (.......) وناداني باسم محببّ الى نفسي.. وبادرني بابتسامة استقّرت صورتها في بؤبؤ العين فلا أظنها ستتغيّر باتساعه أو ضيقه ولن تحتاج الى نسخ أو طباعة مرة أخرى فقد أصبحت ذات لونية تزداد اصالة وثباتاً مع الزمن!...بادلته أيضاً بابتسامة ولا أبالغ إن قلت بان ملامحها ما زالت باقية الى يومنا هذا..كيف لا وقد ناداني بأحبّ الأسماء...واصلت:-عندي سؤال ممكن!!..ردّ عليّ:- عارفك عاوزة تقولي حاجة!...وفّر عليّ لحظتها عناء الإنتظار حتى بزوغ فجر اليوم التالي...والله يابابا سؤال صغيّر...بسمع الناس بيقولوا (الله يدينا طولة البال وراحة البال!)... البال ده شنو؟؟؟؟ نواصل
قمر دورين :: كــاتب نشــط::

17-02-2009, 08:05 AM	#[10]
قمر دورين :: كــاتب نشــط::	وضع ( الكدوس) والكتاب برفق على الطاولة ونظر نظرة عجيبة والإبتسامة ما زالت تعلو وجهه...نظرة على ما أظن جمع معها خبرات السنين فلكأنها مدّ البصر أو رجع معها الى الوراء سنين عددا! ثم حملني بين ذراعيه ومسح على راسي وقال:- يا (........) البال ده (مدينة كبيرة) فيها بيوت كتيرة وناس ساكنة جوّه البيوت، ناس كبار وصغار بمختلف الملامح والصفات. ناس بتتقاسم معاكي رغيف الحياة وناس تشاركك الأحلام أو تملاك بالأوهام... وناس تمام أو بتاعين مشاكل وناس تختّي قدّامها علامات تعجب كتيرة أو استفهام..ناس تسعدك وناس تزعّلك وعليك بالصبر...و(إنما الأعمال بالنيّات). ناس سافرت وتانية رحلت وناس غابوا وفيهم الإتغربوا !....ناس تقابليهم وتحسي معاهم بالإلفة...وناس تسألي نفسك ياربي شفتهم وين؟ أو يمكن تناسيتهم وتانية كلو كلو ما بتنسيهم....أمّا (جماعة محبتنا الما بنريد غيرهم ديل أكيد موجودين ومكانهم محفوظ)..توقفّت هنا وسألته سؤالاً كان يجمع بين البراءة والشقاوة...يابابا ناس محبّتنا ديل منو؟؟؟ ...ردّ على ضاحكاً :- ما انت منّهم.....وكانّه يقول بينه وبين نفسه الحمدلله (كفى الله المؤمنين القتال) ويبدو والله أعلم اني قد اكتفيت بتلك الإجابة ولم أزد. ...
قمر دورين :: كــاتب نشــط::

17-02-2009, 08:10 AM	#[11]
قمر دورين :: كــاتب نشــط::	يكمل الوالد حديثه قائلاً.... المدينة دي فيها (طرق) كتيرة طويلة وقصيرة ممهدة ووعرة...طرق اتجاه واحد وتانية متفرعة توديك لي أماكن تانية المهم انك تقرري( ياتو طريق الصاح والمفروض تمشيه)...وفي الطرق دي حتقابلي برضو ناس تانية...وحتلاقيك اشارات مرور كتيرة (حمراء) تقيفي فيها و(صفراء) تحذيرية او بمعنى خليكي مستعدة وكمان (خضراء) تمشي بعدها والطريق سالك..... واحتمال يصادفك (طريق مقفول) وتضطري ترجعي ما تيأسي واصلي...وغير كده مرات بكون في (زحمة ) تجبرك تقيفي من غير اشارة حمراء...ثم (يجعل الله بعد عسر يسرا) وتنفرج الزحمة وتاني تمشي لكن ممكن تكونى تعبتي من المشي ودايره تستريحي .. لكن وين؟؟؟ هنا السؤال !! تمشي شاطئ...جزيرة...تسافري....حلول كتيرة....المهم انك تختاري (الخيار الصاح في الزمن الصاح!).. في المدينة دي حتلقى روحك عبرت من بيت لي بيت ومن ناس لي ناس ومن طريق لي طريق وانت في النهاية اسمك ( عابر سبيل). لك انحنى احتراماً وإجلالاً يا والدي كلمات شرحتها لي يوماً بأبسط ما يكون لكنّ مفعولها في الحياة كان أكبر ما يكون. ولكم أنتم كل التقدير
قمر دورين :: كــاتب نشــط::

17-02-2009, 08:47 AM	#[13]
wadosman :: كــاتب نشــط::	[align=center]و عوض احمد خليفة كان لا يملك كل التفاصيل فلقد كان باله مشغولا تاركا كل التفااصيل لود الحاوى و العندليب الاسمر...[/align] [align=center] [rams]http://www.herosh.com/up/73952/944882695.wma[/rams] [/align] التعديل الأخير تم بواسطة wadosman ; 18-02-2009 الساعة 10:26 AM.
wadosman :: كــاتب نشــط::