منديل حرير !!! النور يوسف
قيامة دولة المتحولون الانسانية !!! أسعد
خِلِّي العيش حرام - عبر الأجيال !!! أشرف السر
آخر 5 مواضيع إضغط علي او لمشاركة اصدقائك! سودانيات .. تواصل ومحبة > منتـديات سودانيات > منتـــــــــدى الحـــــوار أول جواب ريدة.. اسم العضو حفظ البيانات؟ كلمة المرور التعليمـــات مركز رفع الملفات مشاركات اليوم البحث البحث في المنتدى عرض المواضيع عرض المشاركات بحث بالكلمة الدلالية البحث المتقدم الذهاب إلى الصفحة... صفحة 1 من 3 1 2 > Last » أدوات الموضوع انواع عرض الموضوع 24-01-2013, 11:08 AM #[1] طارق جبريل :: كــاتب نشــط:: أول جواب ريدة.. الحبيبين كيفنكم.. انا في المتوسطة يا الحبيبين شوفتها في درس العصر والناريي دي انطلقت فيني.. العيون غٌلاااااااااد وليهن رموش واقفات فوقن علي السلك الشايك في كتيبة الجيش.. والشلاليف وحات نضري التقول حلاوة لكوم.. الضفيري خاتاهاقدامها فوق صدرها تطلع وتقوم مع نفس الصدر علي بساتم العربية.. ويا حلات الفستان وهو ملصق فيها.. يمين وكتين يصل حتة الخصر دي تقرب تعوعي.. اها بقيت كل يوم وكتين اشوفها اغمض في العيون وافتحن علي الصايداهو أم فريحانة.. وفي الطريق ونحن راجعين أصلو ابقى زي العوير والعوقة أشوف فيها وأصنقع في السماء.. وطارق صحبي قدر ما يتونس معاي وانا شابكو: آآآآآي قلت شنو.. تميت شهر في جنس الحال دة وخلاص غلبني وبقيت افكر في الطريقي الاقولها شي إن شاء الله حتى أقولها «كيفنك».. تسوي شنو يا ود جبرين.. تسوي شنو... بس... جاتني.. تنقصى في الواطة وتكتبلها جواب وتديهو ليها في يدها.. أصلو ما لقيتلي حل غير الجواب دة.. جيت من المدرسة يا الحبيبين اشتريتلي فلسكاب.. ومشيت علي دولاب اختي الكبيرة وسرقتلي منها ريحي.. وتش تش اديت الفلسكاب رشة وجيت قعدت في صالونا.. ختيت الفلسكاب دة في كراس الجغرافية وبقيت افكر: يا ربي الخرابة دي يكتبولها شنو.. قدر ما حكيت راسي دة من كلام الانشاء داك والكلمات الغُلاد غُلاد ديك.. أصلو أبت تجيني.. وقلت كدي بسم الله وكتبتلا: الى اجمل انسانه رأيتها فى حياتى الى حبيبتي «وجدان» مرت الثواني والساعات والشهور وقلبي يحترق (أماني جنس فسو).. كنت أشوفك من بعيد كما القمر.. لا انت هلال كما هلال الصوم.. انتى مثل النجم المشع جماله يفوق الحدود.. كنت احسب النجوم واكلم القمر.. (أصلو فسو السواد).. لا أنام الليل وصورتك تظهر لي في الظلام.. كتمت حبك في قلبي حتى لا يعرفه أصحابي في الحلة.. لقد تعبت مشاعري كثيرا وكنت أراك في المرآة.. فهل هذه الحروف سوف تعبرعما بداخلى .. لان ما بداخلى نار لا يقدر احد بوصفها لك.. أنا اعيش فى حبك وجمالك الذى سحرانى.. افكر فيك بين الحصص وأنا في ميدان الكورة.. يا اجمل واحدة فى الكون فانتى من العطر النابع من جوة الزهور حبيبتي «وجدان» إن قلبي يتعذب في بعدك عني.. إني أحبك.. أحبك.. أحبك.. المعذب طارق.. قفلت الجواب في الظرف ويديني ديل يرجفن علي بندول ساعة الحيطة.. وبقيت افكر كيف اديهو الخرابة دي وانا قلبي يضرب.. وخايف من البُطان المعاي واحد يختف البت مني ولا كمان يشوف الجواب.. بقيت كل يوم اساسق من الدرس وامشي وراهم والجواب في جيبي.. اصلي ما لقيتلي فرصة اديهو ليها.. ربكم رب الخير طارق ود حومد حسين تجيهو ملاريا واليوم داك كانت ماشة معاها «انتصار» بس.. بس خليتهم مشوا قدامي كدة لامن بقينا في الفسحة ومافي زول شايفني وقلت كدي مشيت عليهن.. خبيت لامن وصلتهن وبقيت ارجف زي الجرو الماسكه السَعَر.. وايديني ديل ماتن ضومة ضومة.. وركبيني ينطاقشن في بعضن متل العجلة وكتين اللستك يكون فيهو كركاسة كبيري.. سلم عليهن بي صوت مبحوح وقلتلا: «وجدان» دقيقة بس.. وغمت ليها الجواب في يدها وتاني غلبني النضم ضومة ضومة.. وقع مني قلم الرصاص ودنقرت رفعته.. وعلي العلي كان قلم الرصاص مبري إبرة بس وقع مني.. بعد أديتها الجواب من الكبكبة العلي دخلت قلم الرصاص بين البنطلون واللباس.. وبقى يطعن فيني ونحن ماشين وهي خجلانة ماسكي الجواب وترجف.. وانا مفشق علي ود الطهور من طعين قلم الرصاص.. لا عرفت أقولها شي لا قدرت أتكلم.. وقلم الجن دة كل ما ليهو نازل تحت ويطعن فيني .. وكل طعنة شعر راسي دة يقيف علي المغنطيس الكابسو الحديد.. وكل مرة أفشق زيادة لامن بقيت علي البرجل في شكل زاوية منفرجة.. ولابسلي تموت تخلي يشيل ويخم في التراب بس الكـــــــــــلب القام بال وبقى بي كرعينو يدفن في البول.. أصلي لامن وصلت البيت عضام ضهري كلهن يطقطقن من الفنسة.. وإن ما كضبت باقيلي قلم الرصاص قرب يفقشلو حاجة.. ......................................... الغريب بت الهرمة دي ما ردت علي لي يوم الليلة.. لا يبقى دة شاكوشي الأول وانا ماني عارف تعالوا فتوهو هنا طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل 24-01-2013, 11:15 AM #[2] بله محمد الفاضل :: كــاتب نشــط:: ها سجم عمرك طويل هسي كنت في سيرتك في (مدونة الأنخاب البكر) تكون شميت الخبر التوقيع: [align=center]الراجِلُ في غمامةٍ هارِبةْ[/align] بله محمد الفاضل مشاهدة ملفه الشخصي إرسال رسالة خاصة إلى بله محمد الفاضل البحث عن المشاركات التي كتبها بله محمد الفاضل 24-01-2013, 11:15 AM #[3] حافظ حسين :: كــاتب نشــط:: ههههههههههههههههههههههههه خليني نتم ضحكتي و بجيك يا طارق التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة مريد البرغوثي حافظ حسين مشاهدة ملفه الشخصي إرسال رسالة خاصة إلى حافظ حسين البحث عن المشاركات التي كتبها حافظ حسين 24-01-2013, 11:18 AM #[4] سارة :: كــاتب نشــط:: يفتفت لحمك وشحمك كان فتفت مصارينى التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا لك الرحمة ياخالد ولنا صبرا جميلا سارة مشاهدة ملفه الشخصي إرسال رسالة خاصة إلى سارة البحث عن المشاركات التي كتبها سارة 24-01-2013, 11:42 AM #[5] طارق جبريل :: كــاتب نشــط:: اقتباس: المشاركة الأصلية كتبت بواسطة بله محمد الفاضل ها سجم عمرك طويل هسي كنت في سيرتك في (مدونة الأنخاب البكر) تكون شميت الخبر انت اصلك دايما شايل حالي الله لا كسبك طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل 24-01-2013, 11:43 AM #[6] طارق جبريل :: كــاتب نشــط:: اقتباس: المشاركة الأصلية كتبت بواسطة حافظ حسين ههههههههههههههههههههههههه خليني نتم ضحكتي و بجيك يا طارق قاعد يا حافظ انت بس تعال طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل 24-01-2013, 11:45 AM #[7] طارق جبريل :: كــاتب نشــط:: اقتباس: المشاركة الأصلية كتبت بواسطة سارة يفتفت لحمك وشحمك كان فتفت مصارينى الله لا كسبك انت حية طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل 24-01-2013, 11:48 AM #[8] خال فاطنة :: كــاتب نشــط:: اقتباس: ويا حلات الفستان وهو ملصق فيها.. يمين وكتين يصل حتة الخصر دي تقرب تعوعي.. شكرا للمتعة يا ود جبرين وجب أن نحيّ صمودك و بسالتك و انت تقاوم قلم الرصاص السنين حتى الزاوية المنفرجة خال فاطنة مشاهدة ملفه الشخصي إرسال رسالة خاصة إلى خال فاطنة البحث عن المشاركات التي كتبها خال فاطنة 24-01-2013, 11:54 AM #[9] طارق جبريل :: كــاتب نشــط:: اقتباس: المشاركة الأصلية كتبت بواسطة خال فاطنة شكرا للمتعة يا ود جبرين وجب أن نحيّ صمودك و بسالتك و انت تقاوم قلم الرصاص السنين حتى الزاوية المنفرجة وحاتك يا خال فاطنة لمن وصلت البيت بقيت اهابش من تحت لا يبقى شيتا عندي انكسر طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل 24-01-2013, 12:09 PM #[10] Osman Hamad :: كــاتب نشــط:: اقتباس: المشاركة الأصلية كتبت بواسطة طارق جبريل وحاتك يا خال فاطنة لمن وصلت البيت بقيت اهابش من تحت لا يبقى شيتا عندي انكسر إنكسر وللا إنفقع ياود جبريل شكراً لهذا القلم الرصاص التوقيع: عثمـان حمــد عثمـان حمــد [email protected] Osman Hamad مشاهدة ملفه الشخصي إرسال رسالة خاصة إلى Osman Hamad البحث عن المشاركات التي كتبها Osman Hamad 24-01-2013, 12:14 PM #[11] طارق جبريل :: كــاتب نشــط:: اقتباس: المشاركة الأصلية كتبت بواسطة Osman Hamad إنكسر وللا إنفقع ياود جبريل شكراً لهذا القلم الرصاص شرح الواضحات من المفضحات طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل 24-01-2013, 03:06 PM #[12] عمك :: كــاتب جديـــد :: الاخو طارق ازيك يادبيب عارف انا زماااان في الابتدائ في سادسه كونت بحب بنت جيرانا فاتحين فينا فشنو كان حنكي انو بمشي اشيل منها كتاب العلوم واخت ليها الجواب في نص الكتاب اول شي في الجواب التاريخ بي الجنبه 1/1/1989 الزمن 10 مساء طبعن عشره زمان سهر شديد يعني بفكر فيها وكدا تحيه بحجم الماء في البحار وبحجم حبات الرمال حبيبتي بحبك بحجم الكره الارضيه من انهار وبحار ومحيطات طبعن المقدمه دي بكون لاطشها من مجله زهره الخليج بعد دا بخش في الحنك حقي بحبك وبحب فستانك الظهري المورد ..عليك الله البسيهو لي كل يوم اليوم داك شايفك بتدفقي في الوساخه في الكوشه..عليك الله خلي بالك من نفسك لانو خايف عليك تقعي في الخور الجنب الكوشه داك بالمناسبه عبود دا شايفو كل يوم بجي بحضر عندكم المسلسل تاني كان جاء ماتفتحو ليهو الباب عشان هو حاسدني في حبك عبود دا(عمرو 12 ثنه) ود جيرانا برضو واخوك المره الفاتت شايفو كان بحدر لي في الدافوري الظاهر عرف حاجه عن قصه حبنا...انت ياحبيبتي ماتكلمي زول بي حبنا دا لانو العوازل كوتاااااار اسمعي ناس الروقه قالو ماشين عيد ميلاد شيراز ماتمشي معاهو لانو انا مشاكل شيراز (ديل بنات جيرانا طبعن وانا كنت مشاكل شيراز دي) والختام سلام لمن الاقيك في الدكان بتاع عليش يوم صرفه السكر( دا السكر ايام بصرفو بالبطاقه التموينيه) سلام ياحبيبتي ملحوظه: مرسل ليك مجله سمير العدد الجديد جبتو ليك امبارح عارفك بتحبيها طبعن ملحوظه دي لازم اكتبها في اي جواب (بحس بيها حاجه مهمه شديد لو مافي ملحوظه كانو ماكتبت جواب) يعني لو كاتبتها زي لمن اكون شاكي قميص وبنطلون بث من غير حزام الموهيم دا البتزكرو من الجوابات طارق بيع لي البوستن دا ياااااخ لزيز جنس لزوزيه دي مافي الجواب عشان مايتخلط عليكم الاختساس التوقيع: سمحــــــــــــــــــــــه المهله عمك مشاهدة ملفه الشخصي إرسال رسالة خاصة إلى عمك البحث عن المشاركات التي كتبها عمك 24-01-2013, 03:54 PM #[13] أمير الأمين :: كــاتب نشــط:: ود جبرين سلامات اخوك اخر جواب كتبو ( ما تسالنى عن اول واحد) الجماعة فتحوهو .. قروهو وبعدين رجعوهو صرة فى خيط مع المرسال... من الوقت داك..بطلت اكتب خالص أمير الأمين مشاهدة ملفه الشخصي إرسال رسالة خاصة إلى أمير الأمين البحث عن المشاركات التي كتبها أمير الأمين 24-01-2013, 05:04 PM #[14] الرشيد اسماعيل محمود :: كــاتب نشــط:: اقتباس: المشاركة الأصلية كتبت بواسطة طارق جبريل ......................................... الغريب بت الهرمة دي ما ردت علي لي يوم الليلة.. لا يبقى دة شاكوشي الأول وانا ماني عارف الحصل ليك دة كلو بكون من كضبك الكتبتو في الجواب الرشيد اسماعيل محمود مشاهدة ملفه الشخصي إرسال رسالة خاصة إلى الرشيد اسماعيل محمود البحث عن المشاركات التي كتبها الرشيد اسماعيل محمود 24-01-2013, 05:21 PM #[15] جيجي :: كــاتب نشــط:: اقتباس: المشاركة الأصلية كتبت بواسطة أمير الأمين ود جبرين سلامات اخوك اخر جواب كتبو ( ما تسالنى عن اول واحد) الجماعة فتحوهو .. قروهو وبعدين رجعوهو صرة فى خيط مع المرسال... من الوقت داك..بطلت اكتب خالص حارة والله التوقيع: http://m.youtube.com/watch?v=uIbZxhLEUyE جيجي مشاهدة ملفه الشخصي إرسال رسالة خاصة إلى جيجي البحث عن المشاركات التي كتبها جيجي صفحة 1 من 3 1 2 > Last » تعليقات الفيسبوك « الموضوع السابق | الموضوع التالي » أدوات الموضوع مشاهدة صفحة طباعة الموضوع انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules الانتقال السريع لوحة تحكم العضو الرسائل الخاصة الاشتراكات المتواجدون الآن البحث في المنتدى الصفحة الرئيسية للمنتدى منتـديات سودانيات منتـــــــــدى الحـــــوار خـــــــالد الـحــــــاج موضوعات خـــــــالـد الحـــــــــاج ما كُتــب عن خـــــــالد الحــــــاج صــــــــــــــــور مكتبات مكتبة لسان الدين الخطيب محمدخير عباس (لسان الدين الخطيب) مكتبة أسامة معاوية الطيب مكتبة الجيلي أحمد مكتبة معتصم محمد الطاهر أحمد قنيف (معتصم الطاهر) مكتبة محي الدين عوض نمر (nezam aldeen) مكتبة لنا جعفر محجوب (لنا جعفر) مكتبة شوقي بدري إشراقات وخواطر بركة ساكن عالم عباس جمال محمد إبراهيم عبدالله الشقليني أبوجهينة عجب الفيا نــــــوافــــــــــــــذ الســــــرد والحكــايـــــة مسابقة القصة القصيرة 2009 مسابقة القصة القصيرة 2013 كلمـــــــات المكتبة الالكترونية خاطرة أوراق صـــــالة فنــــون فعــــاليات إصــدارات جديــدة الكمبيــــــــــوتــر برامج الحماية ومكافحة الفايروسات البرامج الكاملة برامج الملتميديا والجرافيكس قسم الاسطوانات التجميعية قسم طلبات البرامج والمشاكل والأسئلة قسم الدروس وشروح البرامج منتــــدي التوثيق ارشيف ضيف على مائدة سودانيات مكتبة سودانيات للصور صور السودان الجديدة صور السودان القديمة وجوه سودانية صور متنوعة المكتبة الالكترونية نفــاج خالــد الحــاج التصميم Mohammed Abuagla الساعة الآن 09:13 PM. زوار سودانيات من تاريخ 2011/7/11 اتصل بنا / مقترحات القراء - سودانيات - الأرشيف - الأعلى Powered by vBulletin® Version 3.8.8 Beta 2Copyright ©2000 - 2026, vBulletin Solutions, Inc.
